金牌小龍 (已結業)

今晚我们喺尖沙咀附近做完嘢之后，去咗iSQUARE嘅「金牌小龙」食晚饭！我们叫咗上海风味肉嘅质感好爽口松化，啫喱嘅位置亦好烟韧弹牙，唔会好硬实实！台式酸辣汤虽然系小小一碗，但材料有豆腐、肉丝、笋丝等等等等⋯⋯都几足料丰富，至于味道都几够酸，食落相当醒胃！红烧猪手嘅质感好爽滑烟韧，味道好入味香浓，最好系唔会有好油腻嘅感觉！台湾红烧牛肉面嘅汤底味道非常鲜味浓郁，牛肉嘅肉质相当松软，面质就好烟韧弹牙！五福小笼包系有五种唔同颜色，味道分别系墨鱼海鲜、樱花虾、抹茶杂菌、虫草花同咖哩鸡，虽然有多款唔同嘅味道同外皮非常薄身，汤汁嘅味道都算几鲜甜，但始终都系原味嘅味道比较好！原盅鸡汤面同清炖牛肉汤面嘅汤底真系超级清淡，味道祇系比滚水多啲啲味，而且鸡肉嘅肉质比较「粗嚡」，牛肉就不过不失，因汤同面系分开另上，所以面质好烟韧硬身！酱牛肉卷大饼嘅外层饼皮质感好软熟，入面包著惹味嘅酱牛肉同爽脆嘅青瓜丝，但就牛肉嘅份量就超级少，好似食紧牛肉拌青瓜卷咁！豆沙锅饼嘅外层好香口干身，豆沙嘅味道好香甜，但就略嫌碎咗啲！