影片
更多
2019-08-12
269 浏览
好耐之前喺呢间餐厅食过晚饭，当时印象都唔错，对环境、服务整体都满意。佢地最近推出左期间限定嘅下午茶，放假同另一半去左试试餐厅位于美丽华广场一期，除左供应西餐、自助餐，仲系婚宴场地，室外有证婚花园，景色唔错。室内场地唔算好大，装潢优雅，光线充足，所以随便影张相都几靓。假日呢个时段都唔多人，连埋我地三枱，所以坐得阔落、自在、不催不赶。如果真系有野倾、聚会，不失为一个好场地当日亦遇上团队布置场地，烈日当空，辛苦哂。下午茶餐以「阳光」、「海滩」为主题，定价$388/2位。食物方面份量唔多，亦有好大嘅进步空间，咸点3款、甜点6款，每位附咖啡/茶。以呢个排场，性价比就唔高，胜在可以相机食先。点餐后，店员先喺枱面上放一块海蓝色嘅托板，起初都不明所以，到整份下午茶上枱，就明白哂，效果真系几靓，即刻影番几张相除左蓝色海滩，以饼碎做出细沙，放上船仔、沙滩遮、贝壳等，望到都觉得心情开朗。咸点有自家制迷你海鲜汉堡、迷你蟹肉蛋挞、烟三文鱼慕丝配水瓜柳及黑鱼子，味道以迷你蟹肉蛋挞最好，挞皮几香。海鲜汉堡稍干硬，炸物都唔系即时做起；而烟三文鱼慕丝则太淡。甜点有菠萝卷、榛子芒果蛋糕、蓝莓乳酪慕丝杯、加勒比鸡尾酒慕丝、
室内场地唔算好大，装潢优雅，光线充足，所以随便影张相都几靓。假日呢个时段都唔多人，连埋我地三枱，所以坐得阔落、自在、不催不赶。如果真系有野倾、聚会，不失为一个好场地
当日亦遇上团队布置场地，烈日当空，辛苦哂。
下午茶餐以「阳光」、「海滩」为主题，定价$388/2位。食物方面份量唔多，亦有好大嘅进步空间，咸点3款、甜点6款，每位附咖啡/茶。以呢个排场，性价比就唔高，胜在可以相机食先。
点餐后，店员先喺枱面上放一块海蓝色嘅托板，起初都不明所以，到整份下午茶上枱，就明白哂，效果真系几靓，即刻影番几张相
除左蓝色海滩，以饼碎做出细沙，放上船仔、沙滩遮、贝壳等，望到都觉得心情开朗。
咸点有自家制迷你海鲜汉堡、迷你蟹肉蛋挞、烟三文鱼慕丝配水瓜柳及黑鱼子，味道以迷你蟹肉蛋挞最好，挞皮几香。
海鲜汉堡稍干硬，炸物都唔系即时做起；而烟三文鱼慕丝则太淡。
甜点有菠萝卷、榛子芒果蛋糕、蓝莓乳酪慕丝杯、加勒比鸡尾酒慕丝、焦糖烧菠萝同马卡龙，整体表现较咸点好。菠萝卷几松软，而且里面有粒粒果肉。
焦糖烧菠萝甜甜地，几多汁。
榛子芒果蛋糕唔错，唔会太甜
加勒比鸡尾酒慕丝不过不失。
蓝莓乳酪慕丝酸酸甜甜。
马卡龙一般，可能摆左太耐，个底已经偏左，而且略嫌过甜。
最后每位有咖啡或茶，点左咖啡同柠茶。
餐厅环境唔错，布置用心，加上店员服务殷勤有礼，我地嘅聚会亦好愉快，期待喺食物水准上继续改善
张贴
