影片
更多
2021-04-14
1934 浏览
小弟细过晌石硖尾邨长大，虽然，依家搬离咗多年，但屋企人仲住晌度，所以，一年都有三几次过嚟。今日，就仲更加晌南山邨、大坑东邨、大坑西邨兜个大圈缅怀吓，因为，中学就晌大坑东读书，睇到变化咗好多。嚟到南山邨嘅「冬菇亭」，就想起中学放饭时过嚟食车仔面，不过，今次就无晌「冬菇亭」度食，天气热嘛，而喺落咗下面街市旁嘅「一茗堂」（Casa Kitchen），喺老友推介嘅小店。 其实餐厅所在嘅位置都颇为隐蔽，不过，话晒都曾经晌南山邨打滚多年，所以，唔难揾到。而入到餐厅，又好似走进另一空间，你唔会想像到出面喺个传统屋邨街市仔。餐厅内部就无话过多装修，都喺简约平实，然而，楼底特高，又有一边喺落地大玻璃，所以，空间感强。 餐厅尾嘅一角，放咗啲冷热清水、调味料，喺以自助形式自由取用。而餐具则放晒晌枱上嘅小藤篮，有餐布冚住，感觉会卫生啲，午市主要都喺以套餐为主，由A到J共有10款选择，已包餐汤或田园沙律及几款指定饮品，定价$58-$89，此外，仲有啲加配、转饮品优惠，最正喺全日都无加一嘛，店员就话餐牌每两星期转一次，最有趣喺呢度剔完纸仔，晌近门口嘅柜枱落单、俾钱，之后等送嘢食嚟，剔纸仔就可以减少口述嘅错误。 手
其实餐厅所在嘅位置都颇为隐蔽，不过，话晒都曾经晌南山邨打滚多年，所以，唔难揾到。而入到餐厅，又好似走进另一空间，你唔会想像到出面喺个传统屋邨街市仔。餐厅内部就无话过多装修，都喺简约平实，然而，楼底特高，又有一边喺落地大玻璃，所以，空间感强。
餐厅尾嘅一角，放咗啲冷热清水、调味料，喺以自助形式自由取用。而餐具则放晒晌枱上嘅小藤篮，有餐布冚住，感觉会卫生啲，
午市主要都喺以套餐为主，由A到J共有10款选择，已包餐汤或田园沙律及几款指定饮品，定价$58-$89，此外，仲有啲加配、转饮品优惠，最正喺全日都无加一嘛，店员就话餐牌每两星期转一次，最有趣喺呢度剔完纸仔，晌近门口嘅柜枱落单、俾钱，之后等送嘢食嚟，剔纸仔就可以减少口述嘅错误。
手打蕃茄汤我哋两公婆，最好就一个要汤，一个要沙律，咁就两样都试晒。是日餐汤喺手打蕃茄汤，要强调一点，佢唔喺忌廉汤，所以，质感唔会太厚身，但超浓郁，蕃茄嘅香味酸香鲜活，好啱我老婆口味。
手打蕃茄汤
44 浏览
0 赞好
0 留言
喺简简单单嘅沙律菜加啲车厘茄，再淋上油醋，啲意大利醋颇香醇，啲沙律菜亦都好新鲜爽脆。
柚子汁鲜虾杂菜沙律 $58老婆想食得轻盈嘅，所以，拣咗一道沙律作主菜，估唔到都好大份吓，而且，色彩缤纷，还加咗啲樱桃萝卜，并伴有一片自家制酸种面包。啲沙律菜好鲜爽，个柚子汁亦好清新，柚子味极为突出，而鲜虾都香煎过，质感爽弹，片面包边位好脆口，咬落有柔韧感，微微酸，有个性。
柚子汁鲜虾杂菜沙律
$58
20 浏览
0 赞好
0 留言
纽西兰嘅肉眼一向都具质素，虽然无标明几多安士，但睇落都厚身大份，仲配埋薯条、原粒烧蒜头、炒洋葱伴红酒汁，卖相已好有档次。先讲讲主角肉眼，要5乘熟，但感觉已接近7乘，还好喺肉质都仲保持到软腍，而且，好有肉香，个红酒汁亦好出色；薯条较粗身，但极之香脆，唔油腻，有惊喜，原粒烧蒜头唔喺咩新奇嘢，但唔喺家家餐厅愿意做，烧过蒜头粉腍且宁舍香。
纽西兰肉眼牛扒
$89
57 浏览
1 赞好
0 留言
水果茶虽然只喺简单嘅水果茶，但底幽香，入口确有阵阵水果嘅果香味，再放入半片橙肉，靓仔晒啦。
即磨咖啡食西餐，叹杯即磨咖啡就最好不过，加上见到有啲特色甜品，就更要揾杯咖啡嚟衬一衬。咖啡本身都几香，伴上嘅牛奶亦已经预热咗，见到啲细节位都唔「马虎」。
餐牌都有写+$15可配是日跟餐甜品，而今日可选嘅都喺啲奶冻，反而，近门口有个冻柜，摆放咗数款甜挞，卖相几吸引，原来，都只喺+$20就可以加配，平常呢啲甜挞出面啲咖啡店卖到$30、$40蚊件，依家只需$20，更加值得一试。
热情果芒果挞 +$20外观坚有埋啲热情果籽，挞壳较厚，但都算松化，而鲜黄嘅馅心，唔单止富有热情果及芒果嘅香味，而且，两者都好平衡，无过边个抢边个，当中，清甜香味中又渗出微微酸香，感觉清爽。唯一挑剔位喺个人觉得雪得稍稍过冻，否则，馅心更柔滑。
热情果芒果挞
16 浏览
0 赞好
0 留言
呢餐「晏仔」，无论餐汤、主菜、甜品都有啲惊喜，尤其呢个价钱，而有咁嘅质素，的确性价比高，果然无介绍错。
张贴
