影片
更多
2023-02-23
2834 浏览
平常食韩式炸鸡，每个人无一二百蚊都落唔到楼，但早前搭天星过尖沙咀时，晌中环天星码头就见到有一档韩式炸鸡专门店「CHIMAC」，二人套餐只喺卖150蚊左右咋，已经包好多嘢食，堂食外卖都可以，真喺超抵。 一边喺厨房、落单、取餐嘅地方，另一边喺堂食用餐区，座位唔多，一眼睇晒得12个。我见有啲人外卖，拎落下面海滨啲位度食，如果唔喺今晚稍为大风啲，我都会咁做，因为响下面，附送成个维多利亚港180度景观，高级餐厅都未必有咁靓景呀，哈哈！ 柜位上面就有几个巨型电子餐牌，亦可以问店员拎个实体餐牌埋位慢慢睇，佢哋嘅炸鸡有好多口味选择，亦有分无骨、有骨，此外，仲有多款韩式主食、升级优惠等等。 另外，就喺一系列2、3、4人韩式炸鸡盒套餐，包咗炸鸡、小食、迷你饭、饮品，着实喺划算之选。全部炸鸡都喺新鲜即做，所以，等候需时，故此，落单后有个传呼器俾你，做好之后就会发出叫声提你埋去拎，大概等10分钟左右就有得食。二人特攻炸鸡盒 $158我哋就拣咗个二人炸鸡餐，选炸鸡腿肉就$158，如果选有骨炸鸡就$178，个人就觉得炸鸡腿肉好似抵啲，一来定价平少少，二来鸡腿肉啖啖肉，炸鸡一款喺指定嘅原味，另一款就选蜂蜜焦糖味；小
一边喺厨房、落单、取餐嘅地方，另一边喺堂食用餐区，座位唔多，一眼睇晒得12个。我见有啲人外卖，拎落下面海滨啲位度食，如果唔喺今晚稍为大风啲，我都会咁做，因为响下面，附送成个维多利亚港180度景观，高级餐厅都未必有咁靓景呀，哈哈！
柜位上面就有几个巨型电子餐牌，亦可以问店员拎个实体餐牌埋位慢慢睇，佢哋嘅炸鸡有好多口味选择，亦有分无骨、有骨，此外，仲有多款韩式主食、升级优惠等等。
另外，就喺一系列2、3、4人韩式炸鸡盒套餐，包咗炸鸡、小食、迷你饭、饮品，着实喺划算之选。
全部炸鸡都喺新鲜即做，所以，等候需时，故此，落单后有个传呼器俾你，做好之后就会发出叫声提你埋去拎，大概等10分钟左右就有得食。
二人特攻炸鸡盒 $158我哋就拣咗个二人炸鸡餐，选炸鸡腿肉就$158，如果选有骨炸鸡就$178，个人就觉得炸鸡腿肉好似抵啲，一来定价平少少，二来鸡腿肉啖啖肉，炸鸡一款喺指定嘅原味，另一款就选蜂蜜焦糖味；小食方面，最韩风都喺炸紫菜卷同鱼糕串，再加埋两客迷你饭，饮品就简简单单要可口可乐，衬晒食炸鸡，否则，亦可以加钱转其他嘢食。
二人特攻炸鸡盒
$158
56 浏览
0 赞好
0 留言
因为所有嘢都喺即叫即做，加上我哋喺堂食，所以，紫菜卷拎上手热焫焫，咬落脆口唔在讲，而且，亦唔油腻，里面卷住好多粉丝，甚具口感。如果攞走食，相信就会大打折扣。
鱼糕串（4串）睇韩剧时，见啲人好钟意晌街边小贩档食鱼糕串，仲要非常之大串，好似我哋晌街边笃鱼蛋咁。一客4串，每串笃住4块，份量无欺场，咬落弹牙得嚟又带点烟韧，简单淋咗啲韩式酱油，食味唔错。
鱼糕串
42 浏览
0 赞好
0 留言
泡菜猪肉饭多款迷你饭供选择，款款都甚具韩风，呢个猪肉饭绝对喺值得一试，唔喺普通肉片，而喺用上五花腩，大大片，煎得香口，富油香，夹埋泡菜一齐食，味道一流，不过，啲泡菜辣劲几强，入口包醒神。
泡菜猪肉饭
31 浏览
0 赞好
0 留言
比较深入认识韩式粉丝，都喺睇咗韩国综艺「尹食堂」。讲番啲粉丝，佢哋嘅粉丝比较粗，有啲似米线咁，但就透明啡，里面拌有好多料，甘笋丝、冬菇、椰菜、白芝麻……等等，粉丝烟烟韧韧且索满汁，唔错喔。
原味炸鸡每篮炸鸡都有成6件，件件都有番咁上下大细，即炸即喺即炸，入口仲喺好熨热，但就特别甘香，外层宁舍脆口，而且，果然喺鸡腿肉，加上啲鸡嘅皮下脂肪少，真喺食落一啲都唔油腻，肉质更喺颇为嫩滑。
蜂蜜焦糖炸鸡同样都喺一客有6，呢款口味真喺超推荐，淋上嘅蜂蜜焦糖酱味道清甜得嚟，又渗出阵阵焦糖香，好有个性，钟意食焦糖嘅客人真喺唔好错过，小弟正正喺焦糖粉丝，所以特别钟意，加上无骨嘅鸡腿肉，又嫩又滑，就更加啖啖肉、啖啖滋味。
蜂蜜焦糖炸鸡
196 浏览
0 赞好
0 留言
晌落单时，仲见到有个好粉嘅牌仔，写住「CHIMAC 女神来了」，原来喺「Isabella群姐」，更送出限量版Memo Pad一叠，非常搞嘢，好具话题性。
第一次试CHIMAC嘅出品，总括一句，就喺平靓正，而且，店员好有礼，好似我哋食完打算拎番啲餐盘俾佢哋，个哥仔不断唔该前、唔该后。事后先知，原来佢哋仲有好多分店，有机会再去其他店试吓先。
张贴
