影片
更多
2020-02-03
3073 浏览
虽然喺嚟食西餐、薄饼，其实，呢餐喺团年饭嚟，约咗细佬妹，加埋老婆，一行4人，唔食中菜，拣咗西餐，都喺想带佢哋试吓唔同嘅嘢。最后拣咗「朗豪坊」嘅「Zero」，一来贪佢位置中间，就到晒我哋咁多人；二来有里数储吓，仲专登拣星期一，双倍里数嘛！餐厅位处商场近顶层，搭星际扶手电梯快过等一般电梯，唔使层层停。而餐厅采半开放形式，所以，一眼就望晒成间餐厅嘅格局。里面装饰都带点格调，以黑色为主调，配以柔和灯光。我哋则被安排紧贴商场嘅一排4人枱，好嘅就环境光猛啲，对我影相都好啲，唔好嘅就喺总有人晌旁边经过，你唔去刻意留意啲商场客，其实都无乜嘢嘅。刀叉、餐碟、纸巾早已放晌枱上，而枱面喺揾白磁砖砌成，望落都好干净整洁，对餐厅而言，就极之方便打理。「Zero」主打喺薄饼，所以，头两版就喺唔同款式嘅薄饼选项，此外，就仲可以DIY，由酱料、芝士口味，以至配料，都可以随心所欲。而且，酱料、芝士、配料都有好多选择。薄饼以外，就仲有头盘、沙律、主菜、意大利面、意大利饭及甜品，所以，都唔使担心无选择。饮品方面，有一系列酒精、鸡尾酒特饮，咁都仲有啲生啤呀，烈酒呀、苹果酒呀、红白餐酒之类。唔饮得酒嘅都无问题，亦有一系列非酒精
餐厅位处商场近顶层，搭星际扶手电梯快过等一般电梯，唔使层层停。而餐厅采半开放形式，所以，一眼就望晒成间餐厅嘅格局。里面装饰都带点格调，以黑色为主调，配以柔和灯光。
我哋则被安排紧贴商场嘅一排4人枱，好嘅就环境光猛啲，对我影相都好啲，唔好嘅就喺总有人晌旁边经过，你唔去刻意留意啲商场客，其实都无乜嘢嘅。
刀叉、餐碟、纸巾早已放晌枱上，而枱面喺揾白磁砖砌成，望落都好干净整洁，对餐厅而言，就极之方便打理。
「Zero」主打喺薄饼，所以，头两版就喺唔同款式嘅薄饼选项，此外，就仲可以DIY，由酱料、芝士口味，以至配料，都可以随心所欲。而且，酱料、芝士、配料都有好多选择。
薄饼以外，就仲有头盘、沙律、主菜、意大利面、意大利饭及甜品，所以，都唔使担心无选择。
饮品方面，有一系列酒精、鸡尾酒特饮，咁都仲有啲生啤呀，烈酒呀、苹果酒呀、红白餐酒之类。唔饮得酒嘅都无问题，亦有一系列非酒精特饮、沙冰、果汁、汽水及啡茶。
朱古力Oreo $42细佬拣咗杯朱古力，大大杯兼喷满忌廉，佢话先饮一啖，啲朱古力味都几浓郁；再搅匀啲忌廉，再饮落去就觉得好滑溜，整体感觉唔错。餐厅采用纸饮管，够环保。
脱脂乳酪沙冰 $42我就喜欢乳酪系嘅饮品，所以，拣咗呢款脱脂乳酪沙冰，要芒果配热情果口味。入口当然好爽快，味道酸酸甜甜，以芒果味较主导，配薄饼同浓味嘢就好夹。美中不足之处喺沙冰打得唔够柔细，饮落仲有好多冰粒感。
杂锦拼盘 $198我哋有得4个人，费事谂嚟谂去，就选个拼盘一了百了唔使烦。拼盘包括5款小食：丹麦酥多士、照烧汁芝士肉丸串烧、伊比利亚火腿炸薯丸、墨西哥辣椒蜜饯鸡翼及炸大虾与狮子唐辛子。最大亮点喺以摩天轮形式登场，够晒浮夸，摆到上枱，其实都几挜位，哈哈！
丹麦酥多士睇落以为喺啲普通方包条，其实喺丹麦多士，所以，食落外皮会更酥香，包身亦特别富牛油香气。个拼盘伴有4款酱，但侍应就无乜点介绍，正正有两款喺牛奶同花生酱，啱晒点多士。
照烧汁芝士肉丸串烧啲肉丸又几正，肉质唔会太粗嚡、太杂，芝士感就唔喺太强，反而，涂上照烧汁，又洒上木鱼碎，喺几正。挑剔位喺嚟到唔够热，只喺微暖。
伊比利亚火腿炸薯丸炸薯丸当然喺普通嘢，不过，加咗啲伊比利亚火腿就唔同晒，但又唔好太大期望，火眼粒粒就唔喺好多，但薯丸就非常软滑。
墨西哥辣椒蜜饯鸡翼唔喺讲笑，都几辣吓，够晒刺激，所以，颇为惹味，有少少蜜糖香，所以，确喺几好食。
炸大虾与狮子唐辛子个小食名真喺咁写，问番「狮子唐辛子」喺乜？其实喺七味粉烧青椒仔。啲炸虾唔喺好大只，炸得嚟又比较油；反而啲青椒仔几好食，香口唔辣。
烧猪肋骨 $228细佬妹比较少食西式嘢，故今次除食薄饼，就点一客猪肋骨。我就几钟意佢哋嘅处理手法，虽然唔及一大条过猪肋骨咁有睇头，但分好晒一条条，就方便咗大家好多。此外，伴上大旺3脆炸薯条，正呀喂！
烧猪肋骨
$228
11 浏览
0 赞好
0 留言
完美配搭薄饼 $138叫得拼盘就知我哋喺懒人，唔多想谂，所以，虽然薄饼可以DIY，完全由自己组合，但我哋都喺晌6款预设嘅薄饼中拣其中款，就喺呢款「完美配搭薄饼」（Mix & Match Pizza）。
餐牌已列明所有材料，10.5吋嘅薄饼包括有带烟熏味烟芝士、烤鸭、蒲烧鳗鱼、意大利烟肉、蘑菇及干蕃茄，再撒下大量芝麻菜。睇外观就知用料十足，保证啖喺都有鱼有肉，而且，加咗鳗鱼、意大利烟肉，甚具油香，果真「完美配搭」。
慢煮八爪鱼亚枝竹炒意式米面 $128细妹见到呢一款「意式米面」（其实喺做成米粒型嘅意大利粉），就甚感兴趣，小弟就曾经晌其他意大餐厅试过，有种明明喺「米」，但食落有啲咬口嘅意粉感觉，口感喺几过瘾，所以，点一客俾佢哋体验吓。
出嚟个卖相有啲似中式嘅干牛河嘅炒饭版，其实，味道都有啲似，主要喺以豉油去炒，加入咗啲八爪鱼同亚枝竹。细妹第一次试就觉得好得意，味道都几香，之但喺，绝对喺过咸咗，大打折扣。
「Zero」主打薄饼，观乎今晚所试嘅薄饼，绝对喺合格有余，用料不赖，够晒份量，而其他菜式都唔错，喺碟意式米面咸咗啲。环境、招呼都几好，食物嘅定价亦唔算贵。揾食就梗喺宁缺勿滥啦，「Zero」都应可列为再帮衬嘅餐厅。
张贴
