影片
更多
2021-10-03
2119 浏览
马来西亚，前后去过两次，第一次短玩5日，只去槟城同吉隆坡，而第二次同朋友去玩长9日，去咗槟城、浮罗交怡、吉隆坡同马六甲，非常尽兴，对大马印象非常好。由于疫情关系，友人喺好慬慎嘅人，香港唔清零佢都唔出嚟饭聚，卒之等到呢日，就专登约出嚟食马拉菜，选址「霹雳南洋」，一来未试过，二来位置最就到大家方便。一出电梯就喺餐厅，基本上就无乜门面，而入到餐厅，最抢眼该喺个马来风嘅「大牌档」。大大只字「霹雳南洋」，有机会我都想去吓怡保（隶属霹雳洲）。再环顾一吓个餐厅环境，地方唔大，但装修喺几有大马风情，尤其晌槟城好出名嘅壁画，都晌度「重遇」番。不过，绝大部份櫈都无得挨，朋友就坐得唔喺太舒服。餐具就简简单单插晌枱面嘅木「筷子筒」，有羹有筷子！櫈下有空间可以摆袋、摆杂物。巨型大餐牌，个设计好有复古风，背面喺各式散点嘅菜式，包括肉骨茶系列、风味小食、地道小菜……等等。此外，仲有一个餐牌，喺午市套餐嚟，共有9款选择（$58-$78），包基本饮品，亦可加钱升级，以及加钱追加风味小食。小食拼盘 $78如果拣3份午餐，大家就觉得太多淀粉质嘢，所，嗌两个午餐，再加一客小食拼盘，可以试到多啲嘢食。而拼盘包括有参巴辣鸡串、咖
一出电梯就喺餐厅，基本上就无乜门面，而入到餐厅，最抢眼该喺个马来风嘅「大牌档」。大大只字「霹雳南洋」，有机会我都想去吓怡保（隶属霹雳洲）。
再环顾一吓个餐厅环境，地方唔大，但装修喺几有大马风情，尤其晌槟城好出名嘅壁画，都晌度「重遇」番。不过，绝大部份櫈都无得挨，朋友就坐得唔喺太舒服。
餐具就简简单单插晌枱面嘅木「筷子筒」，有羹有筷子！櫈下有空间可以摆袋、摆杂物。
巨型大餐牌，个设计好有复古风，背面喺各式散点嘅菜式，包括肉骨茶系列、风味小食、地道小菜……等等。
此外，仲有一个餐牌，喺午市套餐嚟，共有9款选择（$58-$78），包基本饮品，亦可加钱升级，以及加钱追加风味小食。
小食拼盘 $78如果拣3份午餐，大家就觉得太多淀粉质嘢，所，嗌两个午餐，再加一客小食拼盘，可以试到多啲嘢食。而拼盘包括有参巴辣鸡串、咖喱猪皮鱼蛋、酸辣凤爪、炸春卷咖喱角、冻蕃茄秋葵，各以小碗、小碟盛载，都够大堆头。
参巴辣鸡串5款小食中，以辣鸡串最有特色，亦喺最好食，参巴酱咸香惹味，辣辣哋又唔呛喉，啲鸡肉又够滑，好食。
咖喱猪皮鱼蛋咖喱嘢睇落几靓仔，似模似样，食落就唔喺有咩太大特别，味道、质感都OK嘅，喺几辣吓啫。
酸辣凤爪小弟就唔知马拉有无呢样小食，望上去都喺感觉泰式啲。都唔好理，好食就OK，啲凤爪去晒骨，入口酸爽脆口，辣度啱啱好。
炸春卷咖喱角好老实，呢样真喺好港式，其实，佢哋散点嘅小食中不乏特色马拉嘢，真唔知点解会摆呢两样嘢入拼盘中。味道呢？不过不失！
冻蕃茄秋葵算喺简简单单嘅凉拌冷盘，只喺将冰镇好嘅蕃茄同秋葵，加点酱油而已，食落冰凉清爽，除此之外，就唔太知食材本身有咩过人之处喇。
怡保芽菜鸡饭 $68怡保芽菜喺有特色嘅食材，外形肥嘟嘟，又较为短身，所以，就专登点呢一客鸡饭，而饭品并配上油饭及鸡汤，佐以姜蓉、辣酱、黑酱油。不过，啲芽菜睇落短身，但唔算好肥大，入口都爽脆嘅；啲鸡肉好滑溜，皮下脂肪又少㖞，最爱沾上姜蓉或黑酱油食；油饭唔算好够油香，最大问题喺比较烂，反而个鸡汤正，清香不浊。
老巴刹肉骨茶 $68到访新加坡或马来西亚，都会品尝一吓肉骨茶，过吓口瘾。呢度嘅肉骨茶以瓦煲上，堆上大大件排骨，仲有猪肠同豆卜，配上白饭，佐以辣椒酱油、蒜蓉、油炸鬼，宁舍有风味。啲排骨肉质好松化，带有药材香，但唔会太呛，豆卜索晒汁几好食，但猪肠就真喺坚肥。揾啲黑酱油捞饭，其实都好好食架。
话梅桔仔冰 +$8餐饮就推荐加钱转桔仔冰，一来有特色啦，二来外面热到死，桔仔冰饮落就特别爽，桔味好酸香，仲加咗粒话梅，阵阵话梅嘅香味，两者混埋一齐非常有化学反应。
话梅桔仔冰
4 浏览
0 赞好
0 留言
张贴
