魂 (已搬遷) 新店位置

魂！我慕名而来食既拉面。我叫左个魂拉面，上面得个一叉烧，心谂会唔会太少又唔系大块，我上星期食豚王都2块大大块啦，中国人都讲过要好事成双啦，但我算！唔只叉烧，仲有紫菜，木耳同半只糖心蛋。事关我上星期先食完豚王，记忆犹新，所以我会同豚王比较下，佢地边个做得好D。我食左魂，姐系浓猪骨汤拉面啦，面身就㨂左硬，酱汁㨂左浓。先讲个汤，会比较结，同平时既拉面铺唔同，同埋真系够浓，如果我系酱汁拣左浓，我相信应该会好咸。虽然个碗汤系好浓，但唔系味精汤个种味，所以汤我会俾好高分下，但面我就觉得佢俾豚王差左D，豚王我都系拣左硬同扁平面，佢真系比平时硬，同埋只面系真系好好咬。可惜魂既面，我拣完硬都好似冇硬过咁，同埋只面唔算话好食，俾我既感觉有D似辛辣面。叉烧就真系唔洗讲，豚王多又多过佢，大块又大块过佢，好食又好食过佢，如果去多次我都会拣豚王。