影片
更多
2022-01-21
3082 浏览
无得出门，只好晌香港住吓酒店，扮吓渡假，2021年中，曾住过晌石门嘅「帝逸酒店」，玩吓宅渡假，印象几唔错。故此，又同啲旧同事夹好日子又嚟玩一趟，而今次拣嘅套票喺「帝逸单车乐住宿计划」，除包一晚酒店房、翌日自助早餐之外，仲有一套双人帝逸郊游篮，而食物喺酒店大堂旁「PitStop」嘅出品。 晌等候食物期间，都晌餐厅打个转，餐厅嘅定位喺咖啡店咁，主要卖啲轻食。环境几舒服，因为地方阔落，楼底特高，空间感强，加上又有啲户外露天位，感觉写意悠闲。 因为唔喺正式帮衬「PitStop」，所以，餐牌就无刻意影，不过，睇到冻柜，就见有唔少欧陆三文治、松饼、蛋糕……供选择。当然，餐厅仲提供咖啡、茶品、果汁……等等。 对于个郊游篮，事前都问咗好多相关资讯先，最正喺入住当日，可以提早到12:00pm就可以到取，所以，我哋一早嚟办入住登记，然后，拎住份郊游篮去马鞍山公园野餐。等咗一轮，卒之砌好份郊游篮，唔怪之得搞咁耐，真喺有好多嘢（注：图中粉红色嘅藤篮需退回俾酒店）。 先晌餐厅现场影番张相先，呢个喺双人份量，有薯片、沙律、三文治、甜点、生果同蒸馏水，如果配支果汁就好喇！味道就稍后讲，但份量绝对十足，净喺食份沙律及
晌等候食物期间，都晌餐厅打个转，餐厅嘅定位喺咖啡店咁，主要卖啲轻食。环境几舒服，因为地方阔落，楼底特高，空间感强，加上又有啲户外露天位，感觉写意悠闲。
因为唔喺正式帮衬「PitStop」，所以，餐牌就无刻意影，不过，睇到冻柜，就见有唔少欧陆三文治、松饼、蛋糕……供选择。当然，餐厅仲提供咖啡、茶品、果汁……等等。
对于个郊游篮，事前都问咗好多相关资讯先，最正喺入住当日，可以提早到12:00pm就可以到取，所以，我哋一早嚟办入住登记，然后，拎住份郊游篮去马鞍山公园野餐。等咗一轮，卒之砌好份郊游篮，唔怪之得搞咁耐，真喺有好多嘢（注：图中粉红色嘅藤篮需退回俾酒店）。
先晌餐厅现场影番张相先，呢个喺双人份量，有薯片、沙律、三文治、甜点、生果同蒸馏水，如果配支果汁就好喇！味道就稍后讲，但份量绝对十足，净喺食份沙律及三文治已好够饱，亦由于呢两样唔留得，所以食咗先，薯片、生果就拎返去酒店慢慢再食。
其实，马鞍山公园都好大，小弟就第一次嚟，园内有好多大草地，星期六中午唔太多人，眼见主要都喺少部份外佣姐姐同啲亲子家庭，都会晌度坐吓、玩吓，因为空间多，大家都保持好一段距离。而有部份对住单车径嘅草坡地，更附送海景，景观一流。唔钟意「席」地而坐，觉得食嘢唔方便，亦有啲野餐枱。
喺时候开餐，摊开晒啲嘢食，真喺大阵容，唯全部都用上胶盒，确喺有啲唔环保，所以，有啲用得着嘅，都拎番去洗洗重用，尽点绵力。
野菌杂椒长通粉沙律先试个沙律，份量俾到成一大盒，对有啲女士而言，已经够一餐。啲长通粉煮得啱啱好，软身得嚟够咬口，淋上嘅黑醋酸香，沉实醇厚，质感杰身，食得出喺煮过嚟，而啲野菌、灯笼椒亦唔错。
烟三文鱼意大利软包晌餐厅见，一个三文治包都卖成$45个。佢哋啲意式三文治包好大个，睇我单手拎住半个，就对比出有几大件，而且好足料，夹有大大片烟三文、生菜、蕃茄，啲食材亦颇新鲜，加上个「拖鞋包」非常软熟，真喺有一定嘅水准。
火腿煎蛋意大利香草包意式包中，意大利香草包喺小弟嘅最心水，每个郊游篮都有两款包，同老婆一人一半就试晒。虽然睇名喺「腿蛋治」，但绝对唔喺茶记嘅层次，而喺酒店嘅级数，火腿喺比较靓嘅货色，食味真喺唔同啲，配上香草包，又香又软熟，一流。
蜜桃丹麦酥其实，食完以上嘅沙律及三文治包，已饱到九乘，不过，面对个咁靓仔嘅丹麦酥又点忍口，幸好细细件，一口食埋去。啲蜜桃好清甜，个丹麦酥焗得够酥脆，食落又充满牛油香，真喺唔错。
虽然同老婆不时都去行山，但郊游野餐就真喺无乜几何，因为拎住太多嘢都喺嫌麻烦，难得今次Staycation提供咁丰富嘅郊游篮，天气又唔错，晌马鞍山公园渡过一个愉快午后时光，确喺唔错嘅体验。
张贴
