影片
更多
2023-07-28
3322 浏览
小弟嘅荃湾食评不时都会提到周六或假期，会同老婆过嚟睇场早场，之后再揾个地方食晏。今次都喺，走到过嚟睇早场，不过，今次有少少唔同，拉埋老表过嚟一齐睇，之后就专登过嚟「Pizza Maru」食晏。其实之前好几次经过都见好多人排队，一直都想嚟试，不过，得两公婆食唔到几多，但今次三人行，终于可试试。 睇完早场先11:30am，但餐厅开12:00pm，佢哋就真喺要到12:00pm先开始俾你揿飞入去。好多人同我哋一样，都喺拣最入面嘅窗口位，虽然睇唔到咩景，但胜在感觉开扬，光猛舒服，环境方面，一室柔和灯光，带点田园风。 餐牌大大本，除咗沙律、小食、仲有超多款薄饼，以及韩式炸鸡、意粉……等等，价钱方面，个人就觉得属于中等。 蜜糖蒜香炸鸡 $123 韩式炸鸡份量分为6只、12只，我哋3个人要6只份都已经好够食，因为每一件鸡都好大只吓，啲鸡炸得好金黄，咬落咔咔声好香脆，却唔油腻，炸得非常出色；睇相你都见淋咗好多蜜糖蒜香酱，所以，食落味道带点甜，阵阵蜜糖清香，以及浓浓蒜香，加上肉质比预期嫩滑，所以，都好满意呢度菜式。 韩式海鲜炒年糕 $96既然佢喺一间韩国餐厅，当然试试佢哋嘅炒年糕，估唔到放咗好多海鲜料，青
睇完早场先11:30am，但餐厅开12:00pm，佢哋就真喺要到12:00pm先开始俾你揿飞入去。好多人同我哋一样，都喺拣最入面嘅窗口位，虽然睇唔到咩景，但胜在感觉开扬，光猛舒服，环境方面，一室柔和灯光，带点田园风。
餐牌大大本，除咗沙律、小食、仲有超多款薄饼，以及韩式炸鸡、意粉……等等，价钱方面，个人就觉得属于中等。
蜜糖蒜香炸鸡 $123 韩式炸鸡份量分为6只、12只，我哋3个人要6只份都已经好够食，因为每一件鸡都好大只吓，啲鸡炸得好金黄，咬落咔咔声好香脆，却唔油腻，炸得非常出色；睇相你都见淋咗好多蜜糖蒜香酱，所以，食落味道带点甜，阵阵蜜糖清香，以及浓浓蒜香，加上肉质比预期嫩滑，所以，都好满意呢度菜式。
韩式海鲜炒年糕 $96既然佢喺一间韩国餐厅，当然试试佢哋嘅炒年糕，估唔到放咗好多海鲜料，青口、大虾、鱿鱼，落得绝对无手紧，而年糕炒得烟韧，极有咬口感，加上挂满韩式甜辣酱，所以，食味一流，当然佢哋个辣酱嘅辣度都几犀利，小弟食得唔多，最后由老婆包底。
韩式海鲜炒年糕
$96
60 浏览
0 赞好
0 留言
韩国烤肉薄饼 $148嚟到嘅客人个个都会叫薄饼，所以，个薄饼都等咗好耐先登场，本来都想试啲加州系薄饼，不过太重芝士，老婆唔太OK，所以，拣咗呢款有少少韩国特色嘅烤肉薄饼，烤肉唔喺平放铺满整个薄饼，而喺堆成一个小山，分成6份，正正就喺6件薄饼。咪睇佢堆埋一齐好似牛肉球咁，其实喺少少切碎嘅牛肉，所以，入口好松化，而且好惹味，饼底喺薄批，但又唔似「饼干底」咁薄咁，带少少韧劲，都唔错。
计埋饮嘢，百六蚊一个头，都算喺咁上下啦，整体嚟讲，啲嘢食都做得几出色，尤其个炒年糕，我觉得最好食喺佢，其次喺个炸鸡。至于服务方面，侍应大都喺外籍人士，都好有礼貌，而且，亦主动加水、收碟，难怪我哋离开时，出面已经开始需要等位喇！
张贴
