韓圈 (已結業)

今日我们约咗四姨妈一齐去天水围嘅天一商城做蒸足浴按摩，做完之后我们再埋表姐一齐食晚饭，表姐拣咗去最近新开张嘅「韩圈」食韩式烧烤晚餐！入到去见到店内嘅环境装修都几舒服，坐位与坐位之间都几宽敞，摆放食物嘅地方都几干净卫生，可能系因为新开嘅关系，抽风系统都几好，唔会有好大油烟！但用嚟夹烧烤食物嘅夹就比较短，好容易会辣到手！食物款式种类都几多，烧烤类嘅肉类牛仔骨、牛肉、五花腩、鱼柳、串烧等等等等⋯⋯当中嘅五花腩嘅脂肪分布好平均，肉质相当爽滑！寿司就唔算好新鲜，好似摆放咗好耐咁，所以无攞到嚟食！人参鸡汤嘅味道比较清淡！罗宋汤嘅味道相当鲜味浓郁！另外有多款自家制嘅甜品，味道仲非常唔错，唔会过甜！