響 - Hibiki 日本燒肉 (已結業)

今日专诚同朋友嚟咗佐敦食日本烧肉，「响」呢间新开无耐既烧肉店，将日本烧肉夹埋放题一齐食，香港人点会唔钟意，点会唔红啊！！去到已经好多人等紧8点钟入席食啦！环境方面，灯光好开明，环境好宽敞，四个人坐沙发位一啲都唔逼。烧烤既设备设计得好完善，抽气做得好好，入到铺头完全问唔到好大阵烧烤味，呢样野好重要，因为次次食完烧烤都唔想件衫臭晒！先来「刺身拼盘」，有新鲜、带甘甜海水味嘅海胆，包住紫菜食，一大享受！仲有爽口弹牙嘅甜虾，鲜甜肥美嘅三文鱼，好满足！「海鲜拼盘」，有林林总总嘅海鲜俾我哋报销，包括有大大只又活泼嘅鲍鱼，仲有五六条超大条嘅鲜虾，仲有几样贝壳类嘅海鲜添！全部都好新鲜同埋好鲜甜呀！「和牛拼盘」估唔到净系牛都已经有咁多选择！有来自美国同埋澳洲嘅牛，等你慢慢烧，慢慢品尝到底有啲咩唔同啦！记得唔好烧到太熟啊，如果唔系啲牛就会变到好硬，无咁好食架喇！天妇罗方面，都有好多选择，包括有海虾、番薯、冬菇、茄子、南瓜，全部都系即炸架，热辣辣好滋味！仲有钟意食榴梿必叫嘅榴梿波波，爆酱好juicy呀！我地仲叫左两个锅，分别系「豆腐锅」同埋「泡菜杂菌锅」，加埋爽口又弹牙嘅赞岐乌冬落去食，就够晒饱啦，提提大家个