Hungry Lobster (已結業)

之前去美国旅行冇食到Luke's Lobster，一直怀恨在心。虽然呢两年香港都开咗好几间食lobster roll，但地方始终唔系几就脚，所以一路都仲未试过。早排见铜锣湾新开咗呢间Hungry Lobster，地点方便，于是决定试吓一入到餐厅就有浓浓嘅龙虾味扑鼻，因为个厨房系开放式装潢都几有个性呢一日我哋三个人去，叫咗个［饥饿龙虾全餐，$588］，有齐signature菜式，系二至三人份量［法式龙虾汤］好浓好浓嘅龙虾味，每饮一啖个口充斥住龙虾嘅鲜甜味同天然咸味，口感都好滑个汤仲有跟一块蒜蓉包，点汤食都好夹［龙虾长通粉］我个人好钟意蕃茄based嘅意粉，所以呢个长通粉好啱我食。意粉入面好多龙虾肉，都好鲜甜虽然penne稍为有少少over cooked，但整体都不错［龙虾包］呢个lobster roll入面除咗有面头两只龙虾钳之外，包入面都酿满龙虾肉，所以加加埋埋应该都有差唔多一只龙虾嘅肉龙虾肉够新鲜，肉质弹牙爽口，又有微微海水味；而面包烘得外脆内软，又有浓郁牛油香［烤全只波士顿龙虾，配薯条、沙律］好多羔！最钟意食虾羔！龙虾身嘅肉好易拆出，一大啖食落去确系一种享受而钳同脚嘅壳都已经扑碎过