影片
更多
2022-09-11
2013 浏览
老公上网做咗功课，睇过介绍，觉得「鮨慎」唔错，于是就订咗晚餐同我庆祝相识纪念日加中秋节做节。坐低之后，店员问我哋Omakase 有冇乜嘢唔食，我哋话冇，跟住佢就即刻上咗碗汤。其实我都未settle down，连口罩都未除，有冇需要咁赶呢？我哋系食Dinner，唔系中环放Lunch㖞！🙄我用枱上面嘅热毛巾抹手时，发现枱垫同毛巾盘下边有一条长长嘅头发。我觉得唔太卫生🫣不过静静咁掹走咗就算。开头其中一个店员问我哋饮唔饮酒，我哋话唔饮。隔咗一阵，另一店员问都唔问就直接收走个wine list。其实佢可以再问一下先收，会比较有礼貌。上第一碟鱼生组合时，师傅已经一早预先整好晒，放喺佢工作枱上面一段时间，等我哋饮完汤，食埋头盘小食就送递俾我哋。我觉得碟鱼生暴露咗喺空气中太耐，唔系高级Omakase 应有嘅做法。鱼生组合有筋子同两款左口鱼。其中一款左口鱼上面有片鱼鳞😥我冇讲出嚟又冇影相，因为话晒都系同老公庆祝，我唔想破坏气氛。师傅每次介绍食物嘅时候，都只系简单咁讲食物名称，例如：「秋刀鱼」、「池鱼」。其实好多食客都对鱼类有一定认识，反而对季节性或区域来源就唔会太清楚。如果师傅可以详细讲解一下，会令人觉
坐低之后，店员问我哋Omakase 有冇乜嘢唔食，我哋话冇，跟住佢就即刻上咗碗汤。其实我都未settle down，连口罩都未除，有冇需要咁赶呢？我哋系食Dinner，唔系中环放Lunch㖞！🙄
我用枱上面嘅热毛巾抹手时，发现枱垫同毛巾盘下边有一条长长嘅头发。我觉得唔太卫生🫣不过静静咁掹走咗就算。
开头其中一个店员问我哋饮唔饮酒，我哋话唔饮。隔咗一阵，另一店员问都唔问就直接收走个wine list。其实佢可以再问一下先收，会比较有礼貌。
上第一碟鱼生组合时，师傅已经一早预先整好晒，放喺佢工作枱上面一段时间，等我哋饮完汤，食埋头盘小食就送递俾我哋。我觉得碟鱼生暴露咗喺空气中太耐，唔系高级Omakase 应有嘅做法。鱼生组合有筋子同两款左口鱼。其中一款左口鱼上面有片鱼鳞😥我冇讲出嚟又冇影相，因为话晒都系同老公庆祝，我唔想破坏气氛。
师傅每次介绍食物嘅时候，都只系简单咁讲食物名称，例如：「秋刀鱼」、「池鱼」。其实好多食客都对鱼类有一定认识，反而对季节性或区域来源就唔会太清楚。如果师傅可以详细讲解一下，会令人觉得更加专业及认真。
经过几件寿司之后，再上另一鱼生组合，有Toro，海虾同竹青鱼。竹青鱼入面竟然有条鱼骨😱好彩我冇拮亲或哽到！我今次真系要影低同话俾师傅听。师傅即时话唔好意思并解释鱼肉之中有细骨系会有机会出现😲如果系快餐店的话，呢个解释我会接受，可惜呢度唔系。佢话换过一件俾我，但系我唔想再食竹青鱼，所以就婉拒左。
其后再食咗好几款寿司，新鲜又美味，不过到一碟蟹肉海胆汁配鱼生嘅时候，我又食到有鱼鳞！😱我真系估唔到佢哋处理鱼生会咁唔小心！师傅又再次道歉，重新再做一份俾我。令我万万意想不到嘅系，新嘅一份蟹肉入边竟然有蟹壳！🤯我系咪应该去买六合彩呢！我真系好失望，心情完全被破坏，有啲想即刻埋单离开嘅冲动😡
负责serve我哋嘅师傅系香港人，睇得出佢比较年轻。佢对接二连三嘅出错感到十分抱歉，做白海胆手卷嘅时候都专登放多少少海胆当补偿。之后佢亦尝试请我哋饮梅酒及送雪糕，可惜我哋唔钟意饮梅酒亦唔想食雪糕，所以佢嘅好意我哋都冇接受到。
平心而论，$2280 晚餐Omakase 有21款食物，种类及味道都唔错，但系食材嘅处理真系完全唔合格！❌ 就算廉价日本餐厅都唔应该有鱼骨、鱼鳞同蟹壳，更何况系高级寿司店？！
我对鮨慎非常之失望！希望佢哋会多加留意，唔会令其他食客遇到同样「可怕嘅经验」！
鱼骨
37 浏览
0 赞好
0 留言
鱼鳞
37 浏览
0 赞好
0 留言
蟹壳
138 浏览
1 赞好
0 留言
张贴
