影片
更多
2025-01-25
206 浏览
周末想同朋友聚餐，揾个地方食D海鲜好好犒赏下自己，最后拣左悦品度假酒店最新推出既「鲍鱼 • 龙虾 •‘ 蚝 ’华寻鲜 • 自助晚餐」。餐厅提供种类繁多既精致美食，特别系啲海鲜同热盘超有吸引力，谂住好好享受一餐豪华既盛宴，就黎左呢度！ .烧原条肉眼最推第一口试左烧原条肉眼，外层烧得微焦，入面依然保持嫩滑多汁，肉香味十足，绝对系全晚既highlight之一！另外香烤羊架配黑椒汁烧汁都超出色，羊肉无膻味，肉质软嫩，黑椒汁令整体味道更加丰富～热盘仲有红酒烩牛肉面颊肉，肉质卤到非常软腍，蚝皇瑶柱仿鲍片扒时蔬都值得一试，啖啖都有惊喜！ .海鲜控天堂自助餐一定要食海鲜啦！扒波士顿龙虾用料非常新鲜，肉质爽口弹牙，仲带住阵阵海水既清甜味。清蒸海上鲜保持左鱼既原味，嫩滑又鲜甜。黑椒大头虾惹味香辣，每只虾都大大只，肉质紧实又鲜甜。其他海鲜热盘如爆炒香辣鲍片、蒸扇贝、白酒香草忌廉汁烩龙虾钳，上汤龙虾伊面，样样都系必试之选！ .冷盘之王冷盘方面，面包蟹新鲜又饱满，蟹肉鲜甜又充满蟹膏香味，真系超满足！仲有长脚蟹，翡翠螺、青口、鲜虾等冷盘，全部都系冰镇得岩岩好，保留左海鲜既原汁原味。刺身区亦有好多选择，包括鲷
周末想同朋友聚餐，揾个地方食D海鲜好好犒赏下自己，最后拣左悦品度假酒店最新推出既「鲍鱼 • 龙虾 •‘ 蚝 ’华寻鲜 • 自助晚餐」。餐厅提供种类繁多既精致美食，特别系啲海鲜同热盘超有吸引力，谂住好好享受一餐豪华既盛宴，就黎左呢度！
.
烧原条肉眼最推
第一口试左烧原条肉眼，外层烧得微焦，入面依然保持嫩滑多汁，肉香味十足，绝对系全晚既highlight之一！另外香烤羊架配黑椒汁烧汁都超出色，羊肉无膻味，肉质软嫩，黑椒汁令整体味道更加丰富～热盘仲有红酒烩牛肉面颊肉，肉质卤到非常软腍，蚝皇瑶柱仿鲍片扒时蔬都值得一试，啖啖都有惊喜！
.
海鲜控天堂
自助餐一定要食海鲜啦！扒波士顿龙虾用料非常新鲜，肉质爽口弹牙，仲带住阵阵海水既清甜味。清蒸海上鲜保持左鱼既原味，嫩滑又鲜甜。黑椒大头虾惹味香辣，每只虾都大大只，肉质紧实又鲜甜。其他海鲜热盘如爆炒香辣鲍片、蒸扇贝、白酒香草忌廉汁烩龙虾钳，上汤龙虾伊面，样样都系必试之选！
.
冷盘之王
冷盘方面，面包蟹新鲜又饱满，蟹肉鲜甜又充满蟹膏香味，真系超满足！仲有长脚蟹，翡翠螺、青口、鲜虾等冷盘，全部都系冰镇得岩岩好，保留左海鲜既原汁原味。刺身区亦有好多选择，包括鲷鱼、吞拿鱼、三文鱼、阿根廷红虾、墨鱼同马刀贝，每样都新鲜得无得弹，海鲜迷一定要试。
.
即叫即制
特别一提，即叫即制既鲍鱼鸡粥真系好吸引，粥底绵密顺滑，鲍鱼鲜味完全融入粥里，每一啖都系浓浓既鲍鱼香，真系滋味又暖胃！另外BBQ串烧、炖虫草花鲍鱼螺片汤、惹菌忌廉汤都系佳作，d天妇罗炸得香脆不油腻，食落好有满足感！
.
甜品收尾
食到尾声，黎返杯Häagen-Dazs雪糕收个尾，Creamy既口感令人心情瞬间升华！如果中意甜品，仲可以试试自助区既菠萝椰汁大菜糕、朱古力瑞士卷、忌廉泡芙、绿茶慕丝蛋糕、牛奶布甸、芒果布甸同士多啤梨慕丝蛋糕，每款都够新鲜又吾过甜，绝对系甜品控既福音！
张贴
