麺匠 真武咲弥 (已搬遷) 新店位置

今日下午我们喺湾仔做完嘢之后，周围行吓睇吓揾边间店舖食下午茶，行到去春园街见到一间好有日式感觉嘅拉面店叫「面匠 真武咲弥」，所以我们就入咗去食下午茶！我们叫咗灸热酱油拉面同灸热味噌拉面，拉面嘅面质系比较粗身，同平日食开嘅唔同，质感非常烟韧弹牙，而叉烧嘅肉质第一啖食落去觉得比较干身，所以要浸喺汤入面一阵先食会好啲啲，至于汤底方面酱油汤底嘅味道充满著酱油嘅咸香，而且相当香浓，而味噌汤底嘅味道超级浓郁，虽然有浓浓嘅猪骨香味，但感觉有啲过咸！由于系下午茶时段嘅关系，所以拉面嘅份量祇得半份，感觉好似唔系好抵食！