刕舙馫麵館 (已結業)

餐厅位于红磡，主打刀削面同多元化嘅中式小菜料理，口水鸡、鸭血、牛筋等等，同时亦提供多款特色小食！值得一赞嘅系辣度可以按个人喜好调配，老少咸宜，唔怕唔啱食！整体地点方便，价钱亦十分亲民化，经过不妨试试～ 风味小食有好多选择，牛类包括肥牛、牛筋腩牛肚同牛肋条～ 最有惊喜嘅系牛肚，口感爽脆，带点嚼劲，锁紧精华，食落超级入味！牛筋腩都唔错，大量骨胶原而且炆得几腍，值得一试😝 猪类有金沙骨、猪手、猪扒同猪颈肉，四拣一嘅话唔使谂一定系金沙骨，肉质细嫩，肥美，淡淡肉，超级满足😌 另外亦有经典嘅炸鸡翼同炸鸡脾，外脆内嫩而且份量十足，性价比甚高！相比之下白菜/韭菜猪肉水饺就较为普通，胜在馅料满满，试试无妨～ 食完主食就轮到凉拌菜！芥辣猫耳仔、凉拌青瓜腌萝卜拼香脆花生、糖心蛋样样有齐，个人最钟意皮蛋豆腐同惹味熏鱼、前者调味适中，十分开胃、后者外皮煎至酥脆，内里鲜甜美味，必点之选！想食得均衡啲嘅都有生菜、菜心同小唐菜，可以加配卤水或牛腩汁，味道刚好，唔会过咸，非常抵食～ 嘢饮方面就比较大路，建议叫豆浆，健康得嚟又解渴😜