影片
更多
2024-07-20
1298 浏览
过到嚟「新都会广场」攞嘢，偶然经过呢一间「龟记茗茶」，印象中好似旧年年尾晌台湾踩单车时见过，因为个名比较特别，见唔少人帮衬，就试番两杯。晌等待期间，上网睇睇，原来佢晌台湾有超过百几间分店，主打健康天然古早味嘅茶饮，唔会太多花巧嘢，并以较高级嘅茶叶做茶底，务求以质取胜。一般台式茶饮店嘅装修都比较简约，呢度都唔例外，不过，晌一侧墨绿色瓦仔墙身上，写住「#小人物大生活」，喺几抢镜，见唔少人企埋去打打卡。餐牌嘅分类都几文青：醇萃、鲜调、乡韵、奶茶、鲜乳、蜜蜂工房，仲两款配料可加，如大多数台式茶饮店，糖度及冰度都可以自选，少量款式除外，如蜜蜂工房系列就有糖度固定。如果心大心细唔知拣咩好，就不妨晌「热销排行榜」中睇吓有无心水！小弟一向喜欢珍珠奶茶或鲜乳饮品，而蜜蜂嘢就啱晒我老婆。佢哋都冲咗啲奶茶俾大家试饮，不妨饮杯试试再决定拣咩饮。环保少少用上纸杯，不过，就可惜啲睇唔到里面个样，但都麻烦咗店员未封盖前俾小弟影张相，难得佢哋又无所谓，服务一栏加多少少分！雷梦芦荟蜜 $42老婆问我咩叫做「雷蒙」，哈哈！如果去得台湾多你就知佢哋好多音译嘅名词改得特别有诗意，「雷梦」咪即喺柠檬啰，但呢杯所用嘅喺青柠，加上
一般台式茶饮店嘅装修都比较简约，呢度都唔例外，不过，晌一侧墨绿色瓦仔墙身上，写住「#小人物大生活」，喺几抢镜，见唔少人企埋去打打卡。
餐牌嘅分类都几文青：醇萃、鲜调、乡韵、奶茶、鲜乳、蜜蜂工房，仲两款配料可加，如大多数台式茶饮店，糖度及冰度都可以自选，少量款式除外，如蜜蜂工房系列就有糖度固定。
如果心大心细唔知拣咩好，就不妨晌「热销排行榜」中睇吓有无心水！小弟一向喜欢珍珠奶茶或鲜乳饮品，而蜜蜂嘢就啱晒我老婆。
佢哋都冲咗啲奶茶俾大家试饮，不妨饮杯试试再决定拣咩饮。环保少少用上纸杯，不过，就可惜啲睇唔到里面个样，但都麻烦咗店员未封盖前俾小弟影张相，难得佢哋又无所谓，服务一栏加多少少分！
雷梦芦荟蜜 $42老婆问我咩叫做「雷蒙」，哈哈！如果去得台湾多你就知佢哋好多音译嘅名词改得特别有诗意，「雷梦」咪即喺柠檬啰，但呢杯所用嘅喺青柠，加上用咗「蜜蜂工房」嘅天然蜂蜜，饮落味道清新滋润，加埋杯内有唔少芦荟粒粒，添加多一份口感，清爽解渴。
碎银普洱鲜乳+珍珠 $43虽然久唔久都去饮茶，唔喺香片就普洱，不过，好老实再细分嘅，就真喺唔讲究喇。而眼前呢一杯碎银普洱鲜乳当然喺以鲜牛奶为主打啦，饮落香滑，奶味浓郁，细味之下渗出茶香，同饮奶茶又有啲分别，而珍珠口感比较软糯多啲，但落得非常之多。
一杯台式茶饮好唔好，归根究底都喺讲用料，用料好就已经成功一半啦，加上好嘅配搭，制作认真，都差唔得去边。
张贴
