影片
更多
2022-10-29
2032 浏览
老友工作上有啲新转变，约小弟出嚟啤一啤，不过，好老实，小弟一向都唔多好酒，但家下啲酒吧餐厅嘅食物都做得好有水准，就算唔饮酒，三几个嚟食吓饭都好唔错。问咗食友嘅心水，就推介太子呢间「Chapter 3 Steak Bar & Restaurant」，话菜式多元化，定价算亲民，加上地点都好就到我哋。 虽然喺酒吧，但装修都睇得出花过心思，有啲巨型嘅壁画，画得好专业，而且，灯光唔会太过幽幽暗暗，气氛亦都几轻松，加上楼底好高，整体感觉几唔错。如遇上足球赛事夜，相信会更加热闹，因为呢度有得睇直播，此刻就正正重播紧啲英超赛事。 都讲过依家啲酒吧餐厅唔再只喺卖酒，食物都做得有水准，而且，款式都多，翻一转餐牌，就见到有沙律、餐汤、小食、汉堡、意大利面、意大利饭、烧烤主菜……等等，好多样嘢都想试，真喺搞到三心两意。定价都唔贵㖞，而且，份量好足。 咁既然喺酒吧，烈酒、餐酒、啤酒……各式其式嘅酒类当然唔少得，不过，亦有好些非酒精类饮品。顺带一提，甫坐低侍应就会送上一份粟米片小食，收$40，但可以唔要，同店员讲声就可以，呢样真喺几好，无锯人嘅心态，真正俾选择个客。Gold Apple Cinder $46、He
虽然喺酒吧，但装修都睇得出花过心思，有啲巨型嘅壁画，画得好专业，而且，灯光唔会太过幽幽暗暗，气氛亦都几轻松，加上楼底好高，整体感觉几唔错。如遇上足球赛事夜，相信会更加热闹，因为呢度有得睇直播，此刻就正正重播紧啲英超赛事。
都讲过依家啲酒吧餐厅唔再只喺卖酒，食物都做得有水准，而且，款式都多，翻一转餐牌，就见到有沙律、餐汤、小食、汉堡、意大利面、意大利饭、烧烤主菜……等等，好多样嘢都想试，真喺搞到三心两意。定价都唔贵㖞，而且，份量好足。
咁既然喺酒吧，烈酒、餐酒、啤酒……各式其式嘅酒类当然唔少得，不过，亦有好些非酒精类饮品。顺带一提，甫坐低侍应就会送上一份粟米片小食，收$40，但可以唔要，同店员讲声就可以，呢样真喺几好，无锯人嘅心态，真正俾选择个客。
Gold Apple Cinder $46、Heinekin $48高兴事就梗喺啤吓佢啦，小弟拣咗支「金苹果仙地」，都有成4.5%酒精度，不过，因为加入金苹果汁，所以，易入口，口感清爽，衬晒啲蟹饼同猪肋骨呢类浓味食物。
美式蟹饼 $128洋葱圈、鸡翼、焗薯皮……呢类都多机会食到，梗喺拣特别少少啦，再加上见好多食评都推介呢一道蟹饼，真喺搞到心郁郁唔想错过。一客有两大件蟹饼，食过你就知几足料，啖啖都喺蟹肉，好有鲜味，无话劲沟粉，绝对货真价实，而且，煎得外皮脆脆哋，仲伴有沙律菜、香橙肉，卖相都无马虎，细心位喺就连淋落沙律菜嘅黑醋都处理过，醇厚唔呛喉。
美式蟹饼
$128
9 浏览
0 赞好
0 留言
香烤美式猪肋排（12安士）$178平常晌啲出名少少嘅连锁美式餐厅点一客猪肋骨，都要成二百几，仲要无咁大件添，所以，呢度只卖178真喺算好抵食。上到枱大大件猪肋骨，肯定足12安，全无欺场，烧得外观又靓仔，更伴有大量薯菜，真喺够3、4人共享。
香烤美式猪肋排
$178
7 浏览
0 赞好
0 留言
烧烤风味自家手打薄饼（12吋）$148怕唔够饱，揾个薄饼垫垫底就最稳阵，12吋嘅薄饼一睇就知交足货啦，好大个，亦好足料！餐牌标示有芝士、杂肉肠、辣肉肠、烟肉、火腿、甜椒、洋葱，再配以烧烤酱，但嚟到批底涂咗层茄酱，面头先再唧上烧烤酱，个人觉得烧烤酱味唔够强，其实，可以连批底都涂上烧烤酱；另外，配料多，食味唔错，不过，批底嘅厚度喺惯食开嘅薄批与厚批之间，口感比较干，影响咗整体嘅观感。
眼见，有唔少人喺专登嚟食饭，饮酒都喺浅酌而已。此外，呢度啲招呼几唔错，啲店员都好醒目，主动收走食完啲碗碟，又帮忙添水，食物亦有水准，无怪乎越夜就见越多人嚟帮衬！
张贴
