影片
更多
2016-01-03
979 浏览
每日巧立名目咁为唔同嘅人庆祝唔同嘅野，我们都需要比籍口自己去食好野，单调嘅生活先无咁乏味。今次贺老友成功考车牌，黎到皇后大道中118号中层，商业核心地区中嘅核心。但因大厦入口唔太显眼，花左些少功夫终于上到去。餐厅布置有异国情调，仲几浪漫，适合谈天谈心或者谈情。餐包配醋油，相当意式。面包唔系wow地好味，但味道同口感都大概有酒店水准。香蒜柠檬叶白酒汁煮大蚬 $148蚬味浓郁鲜甜，轻轻咬开蚬肉就有肉汁迸发嘅感觉，可见用料同火候都有一定水准。碟底嘅白酒汁除左本身嘅味道仲带有蚬嘅海水味同鲜味，将餐包点少少汁食味道有惊喜，甚至可以当成系餐汤饮几啖，不过斋饮味道偏咸，唔可以成碟饮哂。美中不足系香蒜柠檬叶同白酒无一样味道较为突岀，可以画龙点睛咁带岀菜式独特嘅主题，令人有深刻嘅印象，比较可惜。意大利风干腩肉火箭菜比萨 $158切成薄片嘅西班牙风干腩肉，同普通西班牙火腿最大分野喺肉质比较丰腴肥美，而且切成大块颇具口感。细味之下会食到风干特有嘅咸香味，同埋慢慢系嘴入面散开嘅油脂香。火箭菜同样大片，同腩肉相间铺面，卖相讨好。饼底喺自家制，外层烤得香脆，但又唔会过硬。火箭菜苦涩带点回甘，岩岩好平衡番风干腩肉较
餐包配醋油，相当意式。面包唔系wow地好味，但味道同口感都大概有酒店水准。
香蒜柠檬叶白酒汁煮大蚬 $148蚬味浓郁鲜甜，轻轻咬开蚬肉就有肉汁迸发嘅感觉，可见用料同火候都有一定水准。碟底嘅白酒汁除左本身嘅味道仲带有蚬嘅海水味同鲜味，将餐包点少少汁食味道有惊喜，甚至可以当成系餐汤饮几啖，不过斋饮味道偏咸，唔可以成碟饮哂。美中不足系香蒜柠檬叶同白酒无一样味道较为突岀，可以画龙点睛咁带岀菜式独特嘅主题，令人有深刻嘅印象，比较可惜。
意大利风干腩肉火箭菜比萨 $158切成薄片嘅西班牙风干腩肉，同普通西班牙火腿最大分野喺肉质比较丰腴肥美，而且切成大块颇具口感。细味之下会食到风干特有嘅咸香味，同埋慢慢系嘴入面散开嘅油脂香。火箭菜同样大片，同腩肉相间铺面，卖相讨好。饼底喺自家制，外层烤得香脆，但又唔会过硬。火箭菜苦涩带点回甘，岩岩好平衡番风干腩肉较浓烈嘅味道同油腻感。睇落分量偏细，但食完又觉得几饱肚。
香草忌廉蟹肉天使面成个晚餐最钟意嘅菜式，天使面口感弹牙，软硬度适中，较幼身嘅天使面算系意利粉当中较难处理嘅面种，特别欣赏餐厅系made to order，烹煮时间又适中，所以无煮成煮成稔烂嘅粉糊感，大大加分。两颗原只带子大大粒放系面，好明显系呢道菜嘅star，卖相都几大堆头。带子味浓郁，鲜甜而且有质感，仲有一粒带子切碎同天使面混和，配面嘅喺蟹肉忌廉汁。
法式焦糖炖蛋嫩滑嘅炖蛋配以香脆嘅焦糖，各走极端但又相当合衬。蛋同焦糖嘅香味令人回味。不过焦糖稍厚，如果薄身少少口感会更佳，呢方面似乎某间以焦糖炖蛋闻名嘅连锁店稍胜一筹。
La Casa系意大利文意思喺家，呢到只系我作为过客嘅小小中途站，但美味嘅食物，同小店嘅人情味，就喺家嘅感觉 一 想家了。。。。。。
张贴
