影片
更多
2019-12-24
852 浏览
每年都要面对圣诞节呢D咁尴尬节日，作为单身狗既我当然见惯不惯啦。不过搞下气氛应下节在所难免，但除左约埋一班寂寞的心围炉取暖，仲可以有咩新搞作呢？近日就收到风有间高水准，正宗四川成都既小店「爆汗串串」做紧放题任食。听闻佢地既用既香料同埋秘制汁都系跟返成都既配方，唔怪得系门口已经闻到香味啦。虽然地方细细，气氛够热闹，果然无拣错！👇-📌麻辣串串放题 - $168 (黄金时段)👉虽然呢间以放题形式做招牌，但佢地既质素绝对唔马虎，无谓串串、小食、甜品都系正宗四川出产。而用到既十二种香料亦都好讲究，当中包括丁香、红花椒、印度椒、八角等等。呢个价钱都系讲紧加埋一每人二百蚊都唔洗，加埋$30仲可以饮品任饮，会唔会太抵先！？▪ 成都串串 -▫ 佢地既串串选择超过40几款有多，选择困难症既我好随机咁拣左呢几款黎试：包括鸡肉肠、鸡软骨、猪皮、陀陀餐肉、五花肉、鱼片头、花枝丸、豆腐干、豆卜、金菇腐皮卷、海带、娃娃菜、莴荀、莲藕。每款每次限拣２件，一串一件，而餐厅会帮你一次过上枱，务求做到卖相壮观，方便你打个靓卡。我就拣左小辣，要大赞系佢地既鸡肉、五花肉肉质嫩滑，吸收哂辣汁，肉味浓郁；莴笋同莲藕口感够爽脆；豆卜
不过搞下气氛应下节在所难免，但除左约埋一班寂寞的心围炉取暖，仲可以有咩新搞作呢？
近日就收到风有间高水准，正宗四川成都既小店「爆汗串串」做紧放题任食。
听闻佢地既用既香料同埋秘制汁都系跟返成都既配方，唔怪得系门口已经闻到香味啦。
虽然地方细细，气氛够热闹，果然无拣错！👇
-
📌麻辣串串放题 - $168 (黄金时段)
👉虽然呢间以放题形式做招牌，但佢地既质素绝对唔马虎，无谓串串、小食、
甜品都系正宗四川出产。而用到既十二种香料亦都好讲究，当中包括丁香、红花椒、印度椒、
八角等等。呢个价钱都系讲紧加埋一每人二百蚊都唔洗，加埋$30仲可以饮品任饮，会唔会太抵先！？
▪ 成都串串 -
▫ 佢地既串串选择超过40几款有多，选择困难症既我好随机咁拣左呢几款黎试：包括鸡肉肠、鸡软骨、
猪皮、陀陀餐肉、五花肉、鱼片头、花枝丸、豆腐干、豆卜、金菇腐皮卷、海带、娃娃菜、莴荀、莲藕。
每款每次限拣２件，一串一件，而餐厅会帮你一次过上枱，务求做到卖相壮观，方便你打个靓卡。
我就拣左小辣，要大赞系佢地既鸡肉、五花肉肉质嫩滑，吸收哂辣汁，肉味浓郁；莴笋同莲藕口感
够爽脆；豆卜同豆腐干一咬就酱爆咁款，好满足！
▪ 爆汗牛肉面 -
▫ 连佢地既牛肉面都系任食！我拣左小辣，辣度就岩岩好。餐厅提供既主要都系西冷牛肉，
肉质新鲜入口够软腍，仲散发出阵阵既浓香。面条几有惊喜，唔会过硬，有少少似拉面既质感，相当好食！
▪ 麻辣千层肚 -
▫ 轮到我最钟意既小食之一，麻辣版既千层肚，其实系系牛肚既最外层。
口感细腻爽脆，呢个因为辣汁关系，变得特别呛喉，好过瘾！
▪ 麻辣鸭血 -
▫ 其实鸭血系唔怕食多，或多或少都系一种排毒、补血既食物。
呢到既鸭血做得入味唔会带腥，又唔会一夹就散，绝对要食！
▪ 成都卤水鸡翼尖 -
▫ 鸡翼尖基本都系常伴我左右，只要果个地方有得嗌，我就会食。
佢地既卤水鸡翼尖皮外整得非常嫩滑，香味十足，用黎送面几夹。
▪ 棒棒鸡 -
▫ 卖相睇落似足食开港式手撕鸡咁，配搭青瓜丝同麻酱，啖啖清新爽口。
▪ 成都老冰粉 -
▫ 最后唔可以唔食既老冰粉，好彩我系佢地卖哂之前嗌到一碗，而冰粉睇落四四方方，形状均匀。
色泽晶莹剔透，相当新鲜。表面加左提子干、山渣饼同芝麻，增加口感，绝对系解辣既恩物呀！ 棒棒鸡
张贴
