School Food (已結業)

今晚我们去咗沙田附近做完嘢之后就去咗新城市广场揾吓有边间嘢好食？揾咗一阵我们就拣咗「School Food」食晚饭！我们叫咗花郎卷嘅馅料有牛肉、蟹柳、牛蒡、红椰菜同生菜，卖相好色彩缤纷，而且口感相当丰富！绅士先生嘅外层系用鸡蛋包著，入面嘅馅料有午餐肉同辣萝卜，食落感觉外软内爽脆！牛骨清潭面嘅汤底味道比较清淡，牛肉嘅肉质都几松软，面条亦都几幼身，但质感就比较腍身，唔系好弹牙！火爆鸡肉铁锅饭系用原个铁锅盛载著上碟，可以保持著热度，材料除咗有香辣松软嘅鸡肉，仲有紫菜同鸡蛋，捞埋一齐食，真系好正呀！卡邦尼年糕嘅酱汁相当香滑浓郁，年糕嘅质感非常烟韧弹牙，粉丝亦好烟烟韧韧，再加埋啲炒香咗烟肉、洋葱同蘑菇，真系超正呀！Oppa猪肉弹弹凉面嘅猪肉好爽滑松化，凉面嘅面质相当爽口弹牙！