影片
更多
2020-11-24
2475 浏览
承接上篇「南山轩」嘅食评，提到今日同老友晌新界踩单车，由大埔、粉岭、上水一直踩到去元朗，再原路回程返大埔还车，过足晒单车愈呀！晚上，因为老婆有事出咗红磡一带，所以，就约佢晌「都会商场」食饭，方便一阵搭番西铁走。今次就由老婆推介我食呢间「汤加」，佢话啲鱼汤米线好正。 其实，呢个商场入夜后好静，所以，餐厅内嘅客人唔多，其实仲啱我哋，尤其不时仲有啲无源头个案，眼见有啲餐厅完全无防疫意识嘅我哋都会避一避。讲番餐厅环境，装修平实，却阔落光猛，基本嘅防疫都做到足。 好似茶记咗，餐具、碗仔、糖包……等，放晒晌枱边抽柜，排列得井井有条，可见啲服务态度真喺唔输蚀，而且，招呼嘅阿姐好好礼貌，放低啲食物都会加句慢慢享用。 虽然目标喺鱼汤米线，但仲有好多嘢食，例如：汤饭、小菜套餐、常餐……等等，又有啲小食加配优惠㖞。因为老婆食过，都知道啲米线好大碗，所以，今次我哋嗌一碗米线，加配两份小食，咁就已经够晒，唔喺想「缩皮」叫少啲架。 泰式鸡锤 +$9一客有两件鸡锤，最有诚意喺以小镬盛咗，唔会「求求其其」揾只碟。鸡锤啖啖肉，而且，质感都几嫩㖞，讲明泰式，确喺有唔少香料香味，收你$9，完全收货啦。 腐皮墨鱼卷 +$9同
其实，呢个商场入夜后好静，所以，餐厅内嘅客人唔多，其实仲啱我哋，尤其不时仲有啲无源头个案，眼见有啲餐厅完全无防疫意识嘅我哋都会避一避。讲番餐厅环境，装修平实，却阔落光猛，基本嘅防疫都做到足。
好似茶记咗，餐具、碗仔、糖包……等，放晒晌枱边抽柜，排列得井井有条，可见啲服务态度真喺唔输蚀，而且，招呼嘅阿姐好好礼貌，放低啲食物都会加句慢慢享用。
虽然目标喺鱼汤米线，但仲有好多嘢食，例如：汤饭、小菜套餐、常餐……等等，又有啲小食加配优惠㖞。因为老婆食过，都知道啲米线好大碗，所以，今次我哋嗌一碗米线，加配两份小食，咁就已经够晒，唔喺想「缩皮」叫少啲架。
泰式鸡锤 +$9一客有两件鸡锤，最有诚意喺以小镬盛咗，唔会「求求其其」揾只碟。鸡锤啖啖肉，而且，质感都几嫩㖞，讲明泰式，确喺有唔少香料香味，收你$9，完全收货啦。
腐皮墨鱼卷 +$9同样一客有两件，感觉就有少少油咁啦，而里面填有唔少墨鱼滑，唔叫得好多，但都食到𠮶阵阵弹牙感，亦有墨鱼嘅鲜味，都OK架。
百秒海鲈鱼米线 $69我哋嘅米线喺原锅咁上，而米线则用碗仔另上，所以，整体份量真喺非常之多，够两个人食。唔好睇以为有两条鲈鱼，但其实师傅好刀功，好似片「双飞」咁，将条鱼鎅开一半，但啲鱼肉坚嫩滑，有鱼鲜味，鱼汤底亦好鲜甜，萝卜清甜，食落无渣，至于啲米线，入口滑溜有米香，老婆果然无介绍错。
百秒海鲈鱼米线
$69
56 浏览
1 赞好
0 留言
黑糖凉粉奶茶 +$15叫粉面可加配餐饮，热饮+$7、冻饮+$10、特饮+$15，小弟一向都好黑糖，所以，就试试呢一杯带台风嘅奶茶，要少甜、少冰。睇色泽，杯奶茶都几对办，入口都唔错，茶底比预期香；睇外观喺落咗黑糖再倒奶茶，所以，制造唔到啲「虎纹」效果，但味道还是不错。但凉粉比较爽身，唔似仙草咁「滑嘟嘟」，个人感觉，夹奶茶好似差少少咁。
虽然话好又一餐，唔好又一餐，但最紧要喺食到啱自己心水嘅。贵有贵食，平有平食，唔一定贵嘅就好，平嘅就差，今晚简简单单，一碗米线，两个小食，我哋都觉得开心吖。
张贴
