韓牛韓式燒烤 (已結業)

原本打算去食另一间性价比高嘅烧肉放题，点知冇位，咁唯有去附近食其他，见到创兴楼下个广告牌，所以就上去睇下，门口大大只字写$138起，见价钱都ok就入左去。入到去之后个感觉就好似去汉和咁样，所有野都自助形式，宜家肺炎高风期，但食物都如常摆放，未见有盖遮掩等，不过都有提醒食客攞野食要带口罩。而食物嘅选择一般啦，熟食、生冷食物同饮品嘅种类就较多，d炸物完全唔热又唔脆，食落似食旧粉浆多d，寿司口感好奇怪，然后d肉类食物大部分都偏黑色，应该系摆放得太耐，腌料上有d偏甜有d偏咸，其中墨鱼仔食落好腥，而蔬菜类就正正常常，甜品方面我拣左d本地雪糕商嘅雪糕黎食，呢个系我唯一觉得偏好食嘅。最后埋单要$198加一，虽然放题价钱黎讲系几正常，但总括我成餐饭都觉得呢间野好低质，平时都有食开放题但第一次食到咁难食。