大中華飯店 (已搬遷) 新店位置

Item: 大中華飯店
Rating: 4
Author: ryu_ng

Tai Chung Wah Restaurant

3.5

373 食记

味道

环境

服务

卫生

抵食

21350

长沙湾

$101-200

粤菜 (广东) 海鲜大牌档少盐少糖食店

199

资讯:
餐厅:	大中華飯店

为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

ryu_ng

等级4

804

136

5月21是佛诞, 同事提议前一日去食餐劲, 来一场佛诞前的肉食宴

选左呢度, 系因为同事提议, 大中华我连听都未听过, 真系多得OpenRice, 唔系我都唔知道

名字如此"娘", 能有多好食? 原来呢度系名人饭堂, 根本不用甚么宣传, 也客似云来, 眼见坐底都似系识途老马, 热闹既气氛令到我更加期待

早早已经订左位, 亦都准时到达, 都要等左一阵先有得入, 而且仲分派左后巷既一张有冷气机滴水既台, 可惜真系太爆, 想换都无得换

值得一提系我地有经过室内, 迫唔在讲, 仲闻到好大阵油烟味, 后尾先知原来系黑椒铁板猪手既味, 因为未开行冷气, 黑椒铁板味久久不散, 所以如果唔介意, 我认为外面虽然污秽但更好坐, 不过要小心可能有老鼠行过也不足为奇

黑椒铁板猪手: 认真色香味俱全既一味, 色是卖相, 一上台已然令人兴奋, 咁大只猪手, 除左食元蹄之外真系少见
铁板一上, 白烟依旧, 感觉就像锯扒餐一样, 黑椒汁芝芝声, 黑椒香味扑鼻而来, 影相更加连烟都影到, 影相过后, 刀叉起动, 猪手嫩滑一切即开但中间并无唔熟迹象
猪手份量十足, 八人食都桌桌有余, 肉质鲜嫩弹牙滑溜兼而有之, 猪皮唔肥, 猪手+猪皮再吸收埋黑椒汁, 简直是黑椒牛仔骨的超强力版, 就连洋葱我也不放过一扫而空, 如果不是留肚继续, 真是想再来一客

清蒸花甲: 是日无花甲换左做蚬, 这碟完全是吃其鲜味, 甜酸酱反而破坏了, 蚬无沙, 蒸得只只开口唔黐壳, 清酒味适中
人年纪大左, 开始喜欢吃其原味, 食得多豉椒炒蚬, 清蒸绝对是另有一番风味

琵琶豆腐: 是晚最精彩既一味! 我地一order店员已经话我地识货, 可见佢地对琵琶豆腐系几有信心
琵琶豆腐件头适中, 如不怕热大可一口一件, 琵琶豆腐炸面不油腻但异常香口, 肉里豆腐更加系滑不溜口, 能食到虾味鲮鱼肉味, 但完全感觉不到鞋口, 可想而知搅得几均衡, 是另一味食完想再encore之作

南乳吊烧鳝: 虽然名字是吊烧, 但其实像炸鳝的一味, 炸得香脆松化, 完全感觉唔到有骨, 南乳入味之余不会抢去鳝味, 又是另一不点酱更佳的菜式

冰镇墨鱼: 卖相不佳, 但墨鱼鲜味弹牙, 再配上豉油山葵, 就跟食刺身没两样, 可是因为之前菜色太出色, 相比之下真的比下去, 如能第一碟来到先作前菜, 效果会更佳

蚬芥鲮鱼球: 补飞之叫, 鲮鱼球炸的香口, 鲮鱼肉弹牙鲜味, 可惜我不爱蚬芥, 没汁没汤之下感觉有点儿寡, 不过不怕, 大排档最好啤一啤, 此绝对是佐酒良品

炭烧乳猪: 另一主角登场, 没订根本没可能吃到, 因为准备工夫真的需时, 整晚都不停见到侍应送乳猪&猪手, 日卖数百只果然是『真的假不了, 假的真不了』
乳猪是『光皮乳猪』, 还记得看过饮食节目, 光皮乳猪因为是用慢火所以功夫需要更多, 如果想食千万要订
乳猪超香脆, 皮下一少层肥膏再连一小片猪肉, 不像酒席般皮还皮肉还肉, 整件吃能一口感觉到皮、肥、肉三者既交响乐, 甚么胆固醇过高也完全抛诸脑后, 甚至令人想打包猪头回家煲粥再战!

咸鱼蒸肉饼: 另一补飞之作, 肉饼好薄, 煎得金黄香口无油, 大排档都切件上真的非常细心, 咸鱼肉饼搅得均匀, 每淡都食到咸鱼同肉饼, 唯一要挑剔系咸鱼过咸, 多食几件之后感到好口干

海味什菜煲: 漏单, 但补飞都真是好快, 最后一味食菜正好清清地
什菜煲足料, 粉丝虾米鱿鱼须一应俱全, 汤底也不俗, 再配上时菜, 食落鲜味不淡口, 作为总结最好不过

如此份量, 八勇士每人只需$106, 绝对味道价钱俱备

香港好食既大排档小炒已经买少见少, 好庆幸自己有机会食到, 下次会同屋企人再黎帮衬一次

如果呢度叫『大中华饭店』, 我相信黎得既都系『中华英雄』或『中华儿女』, 如果当时全宇宙最好打既甄子丹大呼『我要打十个！』, 那我会系度大呼『我要食十碟！』