影片
更多
2022-03-06
452 浏览
黎到观塘apm行街，次次谂唔到食咩又唔想走围走都会简食呢间拉面🍜。而且佢系麺屋武蔵旗下既分店。⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆🌸 蕃茄叉烧拉面 $85差唔多次次黎都会叫呢款拉面，纯粹系钟意食蕃茄🍅😋，而出边又好少食到蕃茄汤底既拉面。虽然汤底既蕃茄味唔太浓，食落清清地，唔咸、唔油腻，又可以食到蕃茄既酸酸甜甜，越食越开胃。😋✮拉面食落弹牙同有口感，挂汤力都唔错。配料有蕃茄、两块叉烧、流心蛋、葱花同薯蓉。✮叉烧偏薄身，肥瘦适中均匀，咬落去几软淋。✮秘制流心蛋好出色🥳，好味👍🏻👍🏻煮既时间控制得岩岩好，蛋黄做到半流心既状态。😋✮薯蓉有咬口，可以食到细细既薯仔粒，加埋d汤就好似饮紧蕃茄薯仔汤😍。🌸神山豚角沾汁面 $88配料就有豚肉、竹笋、流心蛋同葱花。✮厚烧豚肉用酱油以高温烧至表面金黄色同微㶶，好吸引😍豚肉呈半肥瘦食落好香，但瘦肉部分有少少干同嚡，而加埋肥肉一齐食充满肉汁同油香。😋✮面就用左独特既粗坑纹拉面，挂汤力强，面质软硬适中，口感烟韧、弹牙。✮汤头系用左大量豚骨、豚肉、日本鱼介同秘制酱油调味，再加上慢火熬制超过8个钟而成。沾面汁够浓郁，加上葱花吊味，但略嫌偏油腻。最可惜汤
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
🌸 蕃茄叉烧拉面 $85
差唔多次次黎都会叫呢款拉面，纯粹系钟意食蕃茄🍅😋，而出边又好少食到蕃茄汤底既拉面。虽然汤底既蕃茄味唔太浓，食落清清地，唔咸、唔油腻，又可以食到蕃茄既酸酸甜甜，越食越开胃。😋
✮拉面食落弹牙同有口感，挂汤力都唔错。
配料有蕃茄、两块叉烧、流心蛋、葱花同薯蓉。
✮叉烧偏薄身，肥瘦适中均匀，咬落去几软淋。
✮秘制流心蛋好出色🥳，好味👍🏻👍🏻煮既时间控制得岩岩好，蛋黄做到半流心既状态。😋
✮薯蓉有咬口，可以食到细细既薯仔粒，加埋d汤就好似饮紧蕃茄薯仔汤😍。
🌸神山豚角沾汁面 $88
配料就有豚肉、竹笋、流心蛋同葱花。
✮厚烧豚肉用酱油以高温烧至表面金黄色同微㶶，好吸引😍豚肉呈半肥瘦食落好香，但瘦肉部分有少少干同嚡，而加埋肥肉一齐食充满肉汁同油香。😋
✮面就用左独特既粗坑纹拉面，挂汤力强，面质软硬适中，口感烟韧、弹牙。
✮汤头系用左大量豚骨、豚肉、日本鱼介同秘制酱油调味，再加上慢火熬制超过8个钟而成。
沾面汁够浓郁，加上葱花吊味，但略嫌偏油腻。最可惜汤底唔够热，一上枱已经只系得暖，食得慢就会越食越冻，所以要快手快脚咁食。😌期间有示意店员帮手加热汤，但加完都系唔够热😌如果个汤底系热辣辣就好喇，系咁冻既天气可以暖一暖身。☺️
✿总括而言✿
餐厅环境好日系，仲用左开放式厨房，有兴趣睇厨师煮拉面就可以选择坐吧枱。
而食物方面，沾面汁唔够热系佢一大既败笔😌，想食到热辣辣既汤底唯有食拉面。而面同其他配料方面整体都唔错。👍🏻
张贴
