影片
更多
2022-03-06
292 浏览
今年既生日去左亲手整生日蛋糕比自己，充满意义同难忘❤️同埋要灭甩地狱厨神既称号😎增进我既厨艺😛😝今次就黎到位于铜锣湾分店既「Home.焙小日子 」整我既生日蛋糕。🎂🥰佢系一间已经提供好食材同有完善烘焙设备既自助烘焙店，有非常自由既空间去比你发挥。👍🏻蛋糕款式选择多，今次简左被佢个样吸引左而又充满少女心既月球蛋糕黎整，难度值系最高有3粒星⭐️⭐️⭐️ ，预计需要既时间系两个半钟。简完蛋糕之后，店员就会提供围裙、iPad 、计时器同装私人物品既篮比你，再简单讲解工具、材料同烘焙设备既位置就可以开始喇！🥳只要根据iPad 上面既文字同影片解说非常方便，每个步骤需要既材料份量同工具都写得好清晰、易明。每个制作步骤可以参考文字或者睇片制作，唔明仲可以回放睇多几次或者叫店员帮忙。👍🏻我地紧系要坚持靠自己完成😎而制作期间好享受同另一半分工合作、一齐互动既时光，由一开始最简单既执材料，都可以培养到双方既合作性，一个负责攞材料；一个负责攞去磅份量，要保持专注，唔可以挂住倾计，如果唔系一唔小心就会磅多左。🤭😆🤣🤣攞齐所需既材料，就可以一齐合力将佢地混合埋一齐。由零开始慢慢一步一步而令蛋糕成形，对最后出黎既成品充满
今次就黎到位于铜锣湾分店既「Home.焙小日子 」整我既生日蛋糕。🎂🥰佢系一间已经提供好食材同有完善烘焙设备既自助烘焙店，有非常自由既空间去比你发挥。👍🏻
蛋糕款式选择多，今次简左被佢个样吸引左而又充满少女心既月球蛋糕黎整，难度值系最高有3粒星⭐️⭐️⭐️ ，预计需要既时间系两个半钟。简完蛋糕之后，店员就会提供围裙、iPad 、计时器同装私人物品既篮比你，再简单讲解工具、材料同烘焙设备既位置就可以开始喇！🥳
只要根据iPad 上面既文字同影片解说非常方便，每个步骤需要既材料份量同工具都写得好清晰、易明。每个制作步骤可以参考文字或者睇片制作，唔明仲可以回放睇多几次或者叫店员帮忙。👍🏻我地紧系要坚持靠自己完成😎
而制作期间好享受同另一半分工合作、一齐互动既时光，由一开始最简单既执材料，都可以培养到双方既合作性，一个负责攞材料；一个负责攞去磅份量，要保持专注，唔可以挂住倾计，如果唔系一唔小心就会磅多左。🤭😆🤣🤣
攞齐所需既材料，就可以一齐合力将佢地混合埋一齐。由零开始慢慢一步一步而令蛋糕成形，对最后出黎既成品充满期待同兴奋呀。😍
最后，将蛋糕搽上亲手打发既鲜忌廉，最上果层表面淋上白朱力甘纳许，店员就会比棉花糖、彩糖同月球等我地慢慢装饰蛋糕。见证重要时刻，将月球亮灯，我既生日蛋糕就大功告成啦！🥳见到我地一齐合作而成既成果大成功，超级满足呀！💕💕
而值得一赞既系员工好贴心同主动咁过黎帮忙，例如会帮忙睇下蛋白霜打得够唔够企，有疑问都好乐意解答。仲会协助将蛋糕放入焗炉同够钟会帮手拎出黎用风扇仔吹冻佢。
最后等你完成制作，就会帮你整理好蛋糕周围既忌廉，再帮你入落蛋糕盒同绑绳就可以拎走。
仲要辛苦佢地帮手清洁用完既工具。🙆🏻♀️
就系咁过左温馨同开心既一日🥰好幸福呀❤️❤️
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
🌸 月球蛋糕 $450 +$80（第二位入场费）
蛋糕系用左4层松软既伯爵红茶戚风一层接一层搭结而成，蛋糕与蛋糕之间抹上香甜既柚子酱。外层搽上质感软滑既白色、同用食用色素沟成既粉红色同粉蓝色既鲜忌廉。最上层淋上白朱古力甘纳许，由上而下系蛋糕侧面慢慢流落黎变成一条条线咁，好可爱呀🥰😍
而蛋糕食落充满柚子甜甜既香味，本人钟情于柚子酱，所以偷偷地落多左少少，满足我既柚子心。❤️而又唔会太浓味覆盖左伯爵茶蛋糕既味道，两者食落好夹，淡淡既伯爵茶味加上香甜柚子酱，又唔会太甜同腻。柚子酱令蛋糕食落好清新既感觉，蛋糕食落好松软，而忌廉好香滑又唔会太滞，好快就清碟喇！😋😛自己亲手整既蛋糕紧系要捧场食哂佢😝
而个蛋糕卖相真系好靓😍有我最钟意既粉红色同粉蓝色做两色忌廉，再加上七彩颜色既棉花糖同金色彩糖做点缀，而个月球装饰仲识得发光超吸睛呀。😍🥰最搞笑既系攞住佢系街度行，仲有对唔识既情侣问我地个蛋糕系边度买🤣🤣我地答完自己整之后即刻爆笑呀🤣🤣
✿总括而言✿
呢个绝对系情侣感情升温、朋友默契提升、亲子增进感情既活动，就算系猪队友都完全冇有怕，只要跟住教学步骤猪队友都变神队友。😎烘焙新手都非常之适合参加既活动。☺从中可以体验制作甜品既乐趣同享受温馨既时光🥰非常之推荐消遣玩乐既好地方👍🏻👍🏻
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
温馨提示💕
∗ 去前记得预早系网上预约，而时间选择都有好多。
∗ 一份蛋糕最多两个做一份，第二位要加入场费。入场费：平日$60，假期$80
∗ 需要预留多d时间，原本我地制作既蛋糕预计既时间系2个半钟，而我地系好轻松、好慢活既情况下用左3个几钟先完成。
∗店内冇locker放私人物品，只有提供一个篮系枱面放袋，行开攞材料果时最好贵重物品跟身，或者同行既朋友帮手睇住。
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
张贴
