影片
更多
2022-11-02
88 浏览
呢间餐厅环境装修同布置都非常有心思，您会见到其实墙上面有好多挂画之余，都会摆放好多特色酒樽同复古挂饰，以暗黄色墙做背景，黄色灯光再加上背景音乐，成个感觉都非常Chill，令人都有种想放慢脚步好好享受果下呢个时刻。食物方面基本上大家对呢间Cafe嘅主要印象都系佢冬甩形状嘅Tiramisu以及外型夸张嘅汉堡包，所以我今次嚟到呢间餐厅都直接叫咗呢两个餐厅嘅招牌名物。———————————————🌟Four Cheese Beef Burger $158一上台就见到佢以餐刀串连起成个汉堡，再加上大大片芝士脆片，未开始食就已经要打一轮卡先。开始时我先食佢大大片用巴马臣芝士制成嘅芝士脆片，食落非常香脆仲带有浓烈嘅芝士味，真系好适合一班钟意食芝士嘅朋友。跟住再到汉堡本身，咬落去感受到多重口感，中间仲有一层半溶芝士，食到有唔同嘅芝士味道系入面，牛肉汉堡方面煎得啱啱好，牛味唔错但唔算好浓烈，口感方面肉汁丰富，整体嚟讲系一个又好食又打卡able嘅汉堡！.🌟Oldish Tiramisu $78呢个Tiramisu因为都比人吹捧咗好耐，所以都有啲小期待，不过一嚟到嘅时候份量同想像中都有少少出入，可能因为大家
———————————————
🌟Four Cheese Beef Burger $158
一上台就见到佢以餐刀串连起成个汉堡，再加上大大片芝士脆片，未开始食就已经要打一轮卡先。开始时我先食佢大大片用巴马臣芝士制成嘅芝士脆片，食落非常香脆仲带有浓烈嘅芝士味，真系好适合一班钟意食芝士嘅朋友。跟住再到汉堡本身，咬落去感受到多重口感，中间仲有一层半溶芝士，食到有唔同嘅芝士味道系入面，牛肉汉堡方面煎得啱啱好，牛味唔错但唔算好浓烈，口感方面肉汁丰富，整体嚟讲系一个又好食又打卡able嘅汉堡！
.
🌟Oldish Tiramisu $78
呢个Tiramisu因为都比人吹捧咗好耐，所以都有啲小期待，不过一嚟到嘅时候份量同想像中都有少少出入，可能因为大家影嘅相都放大咗所以有呢个期望落差。Tiramisu系连同一杯expresso一齐上，成个冬甩造型非常适合打卡。口感方面比较硬身，可能啱啱雪柜拎出嚟，食落似雪耐咗嘅雪糕。倒咗杯expresso后溶化少少，而且多咗一阵咖啡香同埋咖啡苦涩味。我个人觉得咖啡苦咗少少，不过其实大家就住自己口味调整就ok，食落甜度适中，但如果下次等佢溶少少先可能个口感更Creamy就会更加好食。
.
🔶整体评价🔶
食物同环境都非常适合打卡，而且食物味道同质素都唔马虎，我后来睇返个Tiramisu都多人话比较硬身，呢度都建议返大家可以叫咗先，等佢解冻一阵可能个体验会更好！
.
🔸味道：7/10
🔸环境：8/10
🔸服务：7/10
🔸打卡指数：8/10
———————————————
🍽️Oldish
📍上环东街53号地舖
G/F, 53 Tung Street, Sheung Wan
———————————————
👉🏻#hkchiller美食地图_上环
👉🏻#hkchiller午餐推介
👉🏻#hkchiller西餐
Four Cheese Beef Burger
$158
14 浏览
0 赞好
0 留言
Oldish Tiramisu
$78
22 浏览
0 赞好
0 留言
张贴
