SOW

营业中

休息中

今日去咗上环一间叫「SOW」嘅餐厅食Fusion菜，一见到个餐牌就知道呢间系玩西班牙菜同粤菜嘅混合菜式，好多玩味好重嘅菜式都好想试；餐厅嘅装修非常新净，昏暗嘅灯光好有情调，播放住柔和嘅英文歌，职员亦都好热情，每上一道菜都会细心讲解菜式。🍊 金沙咸蛋黄单骨鸡翼邪恶嘅咸蛋黄酱非常惹味，单骨鸡翼新鲜炸起后捞埋咸蛋黄酱一齐炒，每一件鸡翼都好入味，而且单骨食落非常方便，份量亦都好多🍊 西班牙脆猪腩夹膜夹膜有两份，一人一件，用咗粤菜夹膜嘅做法，而主菜馅料用咗西班牙猪腩肉，用馒头包皮配青葱丝、青瓜丝同海鲜酱包住肥美嘅猪腩肉，咬落去外软内脆，口感层次丰富🍊 西班牙乳猪极度推荐大家呢一款西班牙乳猪，乳猪皮烤到非常香脆，乳猪肉非常嫩滑，而且乳猪肉同油脂层次分明，咬落去一啖有齐嫩肉、油脂同脆皮三种口感，配埋蜜糖芥末酱一齐食，但系有少许甜味；配菜嘅焗薯蓉亦都非常幼滑，配埋黑松露酱非常香口🍊 西班牙黑毛猪鱿鱼咸蛋黄煲仔饭非一般嘅煲仔饭，肉饼用咗西班牙黑毛猪，食落去猪味更为浓郁，比一般嘅粤式肉饼更好食；炸鱿鱼主要系条状，食落爽口；咸蛋黄捞埋喺饭入面，而且有饭焦，配合餐厅自家制嘅煲仔饭豉油好惹味🍊 Night Wh