茶茶台式料理 (已結業)

到访日期：6月初同朋友好早之前已经见过呢间台式餐厅，个阵都已经想试下耐何九点几就 last order 食唔到，今次一早喺OpenRice订定位，一去到就可以坐低，喺OpenRice订位仲有九折添。朋友一早谂住食火锅，所以嗌咗一个沙茶牛肉锅，同埋一个小香肠拼盐酥鸡小食，各自一人一杯饮品。沙茶牛肉锅份量唔细，一个人食绰绰有余，我哋两个人食呢个份量都完全食唔晒。食物方面，味道未有太大惊喜，盐酥鸡比较好食，但系炸粉比较多，沙茶牛肉锅汤底未算非常浓郁，饮品不过不失，奶盖略为太薄唔够厚。服务态度唔错，两个人食咗$200 ，因为咁啱店舖做紧汇丰卡八五折，再加埋本身订位嘅九折，所以都算抵食，下次可以试埋啲牛肉面。