老三火鍋雞煲海鮮放題

营业中

休息中

早几日同家姐去左旺角食鸡煲火锅放题，已经好几年冇食鸡煲，记得以前食鸡煲要一班人抢鸡食，慢少少都得番啲骨，呢度啲鸡煲无限refill，超级正，有得拣大中小辣，鸡煲汁好浓，鸡肉好嫩滑，肉汁好多，仲好食过人地冇得refill果啲。跟埋鸡煲一齐上枱有一碟餐厅自家即炸嘅响铃，唔油腻，超级松脆，点鸡煲酱食，非常惹味。食完鸡煲就换煲打边炉，佢唔系直接加汤落个鸡煲打边炉，系换个煲卑我地拣过个汤底，我拣左浓汤花胶鸡，仲有两旧花胶分开上，烚熟黎食！仲包左每人六款海鲜，今次有鲜鲍鱼 刀贝 花甲 蕃薯蚬 帆立贝同弹下弹下嘅海虾！！！海鲜冇得无限refill，但有得加钱再食，餐厅有几个大水缸养住啲海鲜，真系好新鲜！！其余都仲好有好多火锅野可以叫，丸类饺子肉类鱼类，仲有鸡子同鹅肠，家姐中意食牛，一个人食左两大碟，我个人最最最中意佢个龙趸片，无骨，厚肉，个鱼皮仲食到好多胶质！！饮品雪糕都好多款口味！！！重点系任饮任食不限时都只系$228加一，真系好抵食，同朋友啲大食朋友去都唔洗惊被佢地食到破产🤪全部超新鲜，物超所值！！