影片
更多
2022-10-26
892 浏览
身边都有唔少人同我介绍过Fini‘s呢间意大利餐厅，钟意食嘢嘅我一听到可以任食就已经非常期待，终于上星期午餐嘅时候就订左位去试一试。餐厅设有吧枱及开放式厨房，入面都算几多台环境宽敞，但午饭时间慢慢都会开始多人要等位，建议大家都提早打个电话预约。———————————————🌟Fini’s Famous Margherita $280成份Pizza都算几巨型，非常适合打卡。而配料味道方面其实同一般嘅Margherita分别不大，唯一值得表扬嘅系佢个饼底非常香浓嘅麦味，而且焗得非常干身同好有咬口，唔系果种非常油腻嘅饼边，非常适合钟意食面包嘅朋友仔！.🌟Antipasti Buffet Only $139我一直最期待嘅就系呢个Buffet，但结果其实系有少少失望。前菜方面其实好多基本嘢例如面包、沙律、芝士都有齐，但真正吸引嘅肉类实在系非常少，只有两种火腿可以选择，其他全部都系素食。服务方面，餐厅添食物嘅速度同份量都有改善空间，好多时啱啱拎出嚟就已经冇晒，供应跟唔上需求。.🌟Dry Rubbed Steak $ Fries (With Antipasti Buffet) $199牛扒反而系有意
———————————————
🌟Fini’s Famous Margherita $280
成份Pizza都算几巨型，非常适合打卡。而配料味道方面其实同一般嘅Margherita分别不大，唯一值得表扬嘅系佢个饼底非常香浓嘅麦味，而且焗得非常干身同好有咬口，唔系果种非常油腻嘅饼边，非常适合钟意食面包嘅朋友仔！
.
🌟Antipasti Buffet Only $139
我一直最期待嘅就系呢个Buffet，但结果其实系有少少失望。前菜方面其实好多基本嘢例如面包、沙律、芝士都有齐，但真正吸引嘅肉类实在系非常少，只有两种火腿可以选择，其他全部都系素食。服务方面，餐厅添食物嘅速度同份量都有改善空间，好多时啱啱拎出嚟就已经冇晒，供应跟唔上需求。
.
🌟Dry Rubbed Steak $ Fries (With Antipasti Buffet) $199
牛扒反而系有意外嘅惊喜，我哋叫咗Medium-rare，熟成度啱啱好，食落牛肉味道亦足够浓郁，肉质方面够腍亦唔会干身。
.
🌟Penne Alla Vodka (With Antipasti Buffet) $169
呢碟菜式其实就系用红酱、伏特加酒混合嘅酱汁煮长通粉，系一种常见嘅意大利面。长通粉比起一般意粉相对烟韧有咬口，本身都有担心过酒味会偏苦，但食落几乎都冇酒味，酒主要都系调香同提味作用，令酱汁味道升华。
.
🔶整体评价🔶
餐厅环境确实系好Chill，好适合大家聚餐，钟意外国风啲仲可以叫杯啤酒坐Bar枱慢慢叹。食物整体其实同期望有落差，始终一开始系好期待佢嘅半自助餐，但结果发现食物种类偏少同唔太吸引。相反佢本身嘅菜式味道几好，除左以上特别点评嘅菜式外，我亦另外再叫咗其他意粉同肉类，味道都唔错，但我个人都系会推介大家叫佢嘅牛扒，味道同口感都比部份扒房真系更出色。
.
🔸味道：6/10
🔸环境：8/10
🔸服务：6/10
🔸打卡指数：6/10
———————————————
🍽️Fini's (苏豪)
📍中环苏豪伊利近街49号地舖
G/F, 49 Elgin Street, Soho, Central
———————————————
👉🏻#hkchiller美食地图_中环
👉🏻#hkchiller午餐推介
👉🏻#hkchiller_西餐
张贴
