金鶴拉麵 (荷李活道) (已結業)

其实拉面份量都好正常，之前系佐敦食过一次都够晒饱，但作为小食嘅唐扬炸鸡真系超大份，搞到我到夜晚都唔识肚饿，晚餐食左一个奇异果🥝就算。-超值套餐1人 $128(+$20)套餐包主食一款、小食同饮品。主食叫左北海道极浓蟹汤拉面(+$20)，配唐扬炸赤鸡(3PCS)同雪碧。🌗北海道极浓蟹汤拉面汤底质地较杰身，有少少似沾面嘅汤汁；味道浓郁无腥味但偏咸，要食晒成碗真系有困难，好在店员频频加水；蟹肉略有碎壳，食嘅时候要慢慢黎唔好急😆，另外蟹肉系冻嘅，食嘅时候记得浸返少少热汤；面质爽滑唔会太软，亦唔会有枧水味。🌖唐扬炸赤鸡即叫即炸超香脆，每件都有大半个拳头👊🏻咁大，食完真系饱到上心口呀！朋友话做会员好抵，好多coupon 甚至半价优惠比你用，虽然我今次miss 左但好彩用左信用卡优惠，平左$25✌🏻。