弁慶 御好燒 鐵板燒

营业中

休息中

今日去咗中环一间叫「弁庆 Benkei 」嘅餐厅食午餐，餐厅位于中环Stanley 11啲嘅6楼，电梯一开门就好似去咗日本嘅餐厅，大部份嘅职员都系日本人或者识讲日文，可以感受到员工嘅热情。客人可以选择梳化座位或面对师傅同铁板嘅吧枱座位，我哋嗌咗吧枱座位，欣赏师傅制作食物嘅过程。而家餐厅做紧一个期间限定嘅京都九条葱系列，每一样同葱相关嘅食物都好吸引，我哋决定嗌晒四个！🍊 和牛排定食呢个系午市定食，师傅会用铁板煎香日本和牛扒，牛扒煎到五成熟之后再切开一片片上枱，和牛鲜嫩多汁，味道浓郁，伴菜有铁板炒椰菜同芽菜，好够镬气，调味有铁板烧牛扒必备嘅炸蒜片、豉油芥末或萝卜蓉柚子醋。午市定食仲包括日式腌前菜、日本米粉、沙律菜同面豉汤🍊 京都九条葱烧用咗大量京都九条葱做材料嘅大阪烧，中间嘅香葱烧完之后保持到蔬菜嘅汁同青葱嘅甜味，中间夹住几片豚肉，差唔多烧熟之后再加入面粉浆同蛋浆，最后加入沙律酱同紫菜铺面，做到外层口感香脆而内里多汁，推荐大家试吓🍊 京都九条葱炙烧油豆腐油豆腐即系我哋食开嘅炸豆卜，师傅将炸豆卜放喺铁板上烧到香脆可口，淋上特制酱汁后令油豆腐非常吸味，再喺上面放白饭鱼、香葱、木鱼同味粉做调味，