何蘭正

营业中

休息中

今日去咗中环一间叫「何兰正」嘅中西Fusion餐厅食晚餐，见到餐厅名就联想起谐音食字，成间餐厅嘅装修都好有特色，有港式嘅霓虹灯牌、中式餐厅嘅餐具摆盘、西式嘅吧枱同中西合璧嘅菜式，见到都觉得好过瘾！🍊葱油火炙半生熟刺身级三文鱼片呢个前菜嘅份量好足够，用咗好大个蚝壳同两个鲍鱼壳做摆盘，入面有好多材料，三文鱼刺身好厚身，火炙烧完之后有半生熟嘅口感；凉拌鲍鱼味道清甜，口感爽口弹牙；北海道三文鱼籽咬落去脆口，带有好重鲜味：手撕椰菜花、蕃茄仔同洋葱都好爽甜，配埋开胃嘅甜酸蒜泥酱好惹味🍊伊比利亚黑毛猪叉烧呢个主菜系一个fusion菜，材料用咗外国嘅伊比利亚黑毛猪，煮法用咗中式嘅腌叉烧做法，配合传统中式叉烧酱，令到呢碟叉烧比传统港式叉烧更加有浓郁嘅猪味，油脂同猪肉相间，咬落去仍然保持肉汁同油花，伴碟配咗炒芥兰同洋葱，另外配咗法式焗薯蓉，食落口感绵滑，重牛油味，加埋黑蒜头汁味道好特别🍊手制五仁流心朱古力煎堆呢个五仁朱古力煎堆整得好香脆，外面铺满五仁，入面有流心朱古力，带有微暖嘅感觉，朱古力味浓郁；另外配有青柠椰子忌廉及香浓咖啡雪糕，可以将朱古力煎堆沾上咖啡雪糕同青柠椰子忌廉，又系另一种风味🍊蜜糖桂花呢杯