南北小聚

营业中

休息中

【中西区】【南北小聚】之前去信德中心对面食印度菜，都好好食。咁样发现咗干诺道中近上环𠮶边原来都有啲餐厅，唔系间间都系𠮶啲贵价酒楼，有啲都系我呢啲穷鬼食得起嘅嘢。之前一味净系睇内街𠮶边有咩食，好少望返出嚟出面，错过咗啲嘢。之前已经讲过楼上舖嘅印度嘢，今次就讲佢楼下一间叫「南北小聚」嘅餐厅。初初见佢好似好富丽堂皇，懒系有气派咁，以为系好贵𠮶啲餐厅就直接 skip 咗。行近望真啲先发觉佢原来系好似贰号冰室咁𠮶啲装修，价钱亦唔算贵。我喺下昼时间去，叫佢哋啲「下午茶套餐精选」就算，平啲吖嘛。叫咗个 $50 嘅「金汤酸菜鱼」，可以选配「四川担担面」，正㖞。本身我惊会好辣，问侍应啲担担面会唔会好辣，佢话唔会㖞，仲讲话：「唔辣架！」但我明明就见到佢 menu 有只辣椒喺啲字旁边，算啦，叫嚟食！又真系唔多辣，我都食到，正。而个酸菜鱼都 okay，五十蚊仲有饭面真系冇得要求再多了。加 $3 饮「冻奶茶」之后就系 $53 埋单，个人觉得都系几抵食嘅选择。。。（地址：上环干诺道中138号地舖）#1amfoodie #foodie #hkfoodie #thatfoodiething #food #instaf