印度皇

营业中

休息中

【中西区】【印度皇】同浣纱娘去咗餐饮展睇嘢，睇完就揾啲嘢食吓。我见到上环呢间印度餐厅好似唔错，就一齐走去试吓。店员推荐 $88 嘅「炸米饼配薄荷汁」，即系大家都好熟悉嘅 Puri Puri。佢个汁做得几正，同之前食过嘅比较，佢唔差。之后试 $168 嘅「香烧马友鱼」，铁板上，热辣辣，亦都相当好食，全晚最惊喜。跟住试 $118 嘅「玛沙拉牛舌」，个酱好正，捞薄饼一流，而啲牛脷亦都焖得好腍，阿婆都食到。而 $106 嘅「印式芝士菠菜」就可以，系几好嘅。而上一段有提过嘅薄饼，亦都系印度菜必食，我哋先试 $36 嘅「姜葱烤饼」，我都系第一次食葱味嘅烤饼，估唔到几夹，好食。之后试店员推介 $32 嘅「印式煎饼」，简简单单嘅煎饼，食落都唔差，两款薄饼都各有千秋。嘢饮方面，我试咗 $39 嘅「芒果酸奶」同 $48 嘅「椰青」，两者都好好饮。而浣纱娘就试 $37 嘅「特式香料茶」同 $33 嘅「青柠梳打」，佢就估唔到后者用雪碧做底，有啲惊讶。埋单价 $777，以食物加埋位置同环境，系唔差嘅。。。（地址：上环干诺道中137-139号三台商业大厦1楼）@basmati_hongkong#1amfoodie