土司工坊 (信德中心)

营业中

休息中

【中西区】【土司工坊】一直都以为呢间嘢叫吐司工房，所以点都冇 search 到，原来佢系叫「土司工坊」，喺香港同新加坡等地都见过佢，系食新加坡嘢嘅。由于都系食啲类似嘅嘢，所以都会将佢同亚坤比较。我自己觉得差唔多，分别系唔大嘅。去澳门之前喺信德等上船，就叫佢 $42 嘅「传统土司套餐」嚟食吓，都系咖央多士𠮶啲，但等嘅时间都有啲耐，争啲搅到我上唔到船。味道上，佢都可以话做到嘢嘅，正正常常咖央多士咁，不过质素稳定都系佢好大嘅优点嚟。配菜，我冇强调要乜，居然就直接畀两只煎蛋，明明呢个餐理应系包半熟蛋嘅，食落感觉唔好。嘢饮加 $5 饮「冻咖啡」，唔错嘅。而我仲另外用 $18 买咗件「斑兰蛋糕」外卖行住食，淡口咗啲。咁样夹埋就 $65，唔贵呀。之后食多次佢，午市肚饿，食个 $85 嘅「新加坡海南鸡叻沙」，食住叻沙有海南鸡系几好，但海南鸡完全冇去过骨又有啲奇怪。嘢饮要加 $5 嘅「冻美禄」，my favourite。另外叫 $10 碟「半熟蛋」，系我好喜欢嘅，加埋啱啱好 $100。。。（地址：上环干诺道中200号信德中心2楼239-240号舖）#1amfoodie #foodie #hkfoodie