奈雪の茶 (已結業)

【中西区】【奈雪の茶】上次同大家提及过，我同一位朋友趁黄雨去咗山顶食嘢同行商场，咁我哋又点会净系食一间寿司就算数吖。一早已经想试呢间觉得唔错，但系香港就净系得呢间山顶分店嘅「奈雪の茶」，唔好再讲冇机会，今次就系机会。我记得第一次饮奈雪系喺深圳，𠮶时唔知咩事，一条友喺深圳行紧，无啦啦巧遇一位女同事，佢介绍我饮呢间，咁我就戆居居咁跟咗佢去饮。好记得𠮶时唔识饮奶盖嘢，被佢大大声喺条街度问我「喂你识唔 _ 识架」，劲样衰。趁呢个机会顺便恭喜埋呢位女同事嘅大婚之喜，喺我做 foodie 前后佢都 keep 住推荐餐厅畀我，对我呢啲「穷肥矮毒」都几好，呢个就系我踏入奈雪之前嘅谂法。入到去发现门可罗雀，黄雨嘅山顶真系冇得输，就叫啲嘢先。我自己叫咗杯香港分店限定嘅「杨枝甘露宝藏茶」，质素极度平庸，好似普通杨枝甘露加啲大菜糕之类嘅感觉，呢 $39 我系洗得有啲后悔嘅，而朋友𠮶杯 $33 嘅「芝士阿里山初露」系「中国台湾冬茶头等奖」佢都话麻麻。到食嘢，我叫咗个 $28 嘅「咸蛋黄嘟嘟」，我记得我食过，好似食月饼咁，劲饱又有咸蛋黄，仲有我最憎嘅肉松，买𠮶吓唔记得冇计。朋友个「菠菜肉骨头」我都有帮手食，佢拣咗