成發海鮮小廚

营业中

休息中

【中西区】【成发海鲜小厨】情人节嘅夜晚，每个人谂住嘅嘢都唔同，我就唱住「情人节，气魄更壮」咁坦然面对一个冇女同事陪伴嘅情人节。然而，适逢老友威船长都冇人陪，而佢又咁啱喺香港，就一齐食饭啦。我都真系好耐冇见佢，要促膝长谈吓。佢对饮食都系有极高要求，听讲佢试过因为食物质素而喺家庭聚会都拂袖而去，真勇士嚟，所以跟住佢实冇错。可惜本身想食嘅煲仔饭，当日就冇供应，听返个原因原来系话新春期间食煲仔饭系唔吉利㖞，第一次听，长知识了。威船长极力推荐呢度嘅墨鱼饼，所以叫咗 $128 嘅「香煎双宝」，有鲮鱼饼同墨鱼饼，听讲都系店家自行制作，口感特别而味道丰盈，系真系好味，难怪旧几水先得几块。跟住食 $128 嘅「豉油皇鹅肠」，做到大牌档水准，正。之后，情人节点都要食咕噜嘢致敬女同事，食 $116 嘅「咕噜鸡球」，可惜味道非常一般，而且太湿，彷如我嘅情泪一样。最后食 $68 嘅「虾酱叉烧粒炒饭」，几香虾酱味同几有镬气。埋单两位夹埋 $440，唔知点计出嚟嘅价钱。。。（地址：西环石塘咀皇后大道西470号石塘咀市政大厦2楼熟食中心CF5-6号舖）#1amfoodie #foodie #hkfoodie #tha