粥粉麵飯 (已結業)

【中西区】【粥粉面饭】疫情之后，坚尼地城嘅美食愈来愈多，我同春哥嚟到附近做嘢，见到佢哋好有气势嘅门面，就被佢吸引咗入去。去到发现佢哋原来唔止净系食粥粉面饭，仲有打边炉、饮酒等等可以试，几全面。我哋先试 $88 嘅「扬州炒饭」，啲饭炒到一粒粒，又几好食㖞。估唔到佢哋仲有点心食，好钟意食点心嘅我试咗三款，分别系 $32 嘅「蟹子烧卖」、$36 嘅「虾饺」同埋 $28 嘅「鲜竹卷」，以点心嚟讲佢哋嘅质素一啲都唔差，拍得住某啲酒楼呀。之后试咗碟 $108 嘅「荔枝咕噜肉」向女同事致敬，又几好食，仲有荔枝肉。嘢饮方面，佢哋都几多选择，除咗有茶餐厅饮品之外，仲有啤酒、红白酒，但系我就试 $19 嘅冻「蜂蜜生姜茶」，又几好饮，姜味好足，姜味控一定中意。春哥就试 $19 嘅冻「蜂蜜柚子茶」少冰，佢都话唔错。咁样食法，埋单价加埋一先 $363，系抵食嘅。。。（地址：西环坚尼地城卑路乍街163号聚贤逸居地舖及1楼）