花園餐廳 (石山街)

营业中

休息中

【中西区】【花园餐厅】今次同浣纱娘嚟到坚尼地城食嘢，我哋喺呢头都唔知食乜好，主要系我份人太麻烦，所以都系去呢啲传统港式扒房简简单单搅掂件事就好喇。不过都系佢讲我先知呢头有花园餐厅，唔系真系鬼知咩，佢仲要喺一楼，更加隐蔽。然而入到去见到都几新净，可能新开或者新装修冇耐，感觉几好。我哋都系叫晚餐，浣纱娘叫 $108 嘅「铁板纽西兰肉眼牛扒拼珍宝肠」配薯菜，都系去花园餐厅成日会食嘅𠮶款肉眼，感觉好似系呢度嘅经典菜式，成件事唔错。而我自己就叫 $98 嘅「德国芥末猪手拼吉列鱼柳」，上菜𠮶吓忍唔住哗咗出嚟。因为佢大份之余，面头仲加咗块橙肉片，非常有视觉上嘅享受。而啲猪手本身食落都唔错，好过本身冇乜特别嘅炸鱼柳，而薯菜都系平时𠮶啲。我曾经讲过，去到叫嘢饮环节先系花园餐厅最期待嘅时间，之前叫「忘情森巴舞」都系咁谂。各加 $15 叫晒「杂果宾治」，无疑系一场赌博，因为我都系第一次饮，好彩最后都唔错。两个人夹埋食咗 $260，锯扒嚟讲差不多啦。。。（地址：西环坚尼地城石山街35号1楼）#1amfoodie #foodie #hkfoodie #thatfoodiething #hkfood #food