蟠龍粉麵茶餐廳

营业中

休息中

【中西区】【蟠龙粉面茶餐厅】圣诞𠮶排去酒经嘅圣诞市集，位置系喺香港第一条街道「水坑口街」，可以话系别具意义。不过呢个景点我都去过几次，讲完又讲就略嫌长气。不如讲吓点解我喺附近食嘢吖，话说我系约咗经理哥喺酒经圣诞市集附近等嘅。之但系经理哥同我未能喺同一个时间到达相应嘅地点，咁我就当然就唔会话经理哥迟到啦，经理哥系唔会迟到嘅，我早到咗啫。咁我就喺附近食啲嘢先，等经理哥嚟到就啱啱好喇。见到餐厅唔多，好似都系得呢间适合，就食啦。叫个 $36 嘅「常餐」，呢个价钱就咁望落去已经觉得系颇抵食嘅。所以主食「沙嗲牛肉面」唔算好突出，只属正常水准嚟讲，我对佢哋印象都唔错。配菜「西煎双蛋」同「牛油多士」水准都 okay，绝对对得住呢个价钱有余。嘢饮我拣「热奶茶」，出奇地佢茶味唔涩，奶味够香浓，竟然有极大嘅惊喜。饮完之后呢几星期，我都有间中回味吓呢杯嘢嘅香味，好坚！由于经理哥仲未到，叫多碟 $10 嘅「烧卖」七粒，味道都可以。埋单 $46，个人几中意。。。（地址：上环皇后大道中367-375号地下2-3号舖）#1amfoodie #foodie #hkfoodie #thatfoodiething #foo