金玡居 (山頂廣場)

营业中

休息中

【中西区】【金玡居】五月去杭州做嘢识到啲杭州同事，约埋一齐行山。佢哋劲熟𠮶头，所以我都系跟吓跟吓咁，由香港大学杀上太平山山顶广场，睇埋夜景，都好靓。跟住喺山顶揾嘢食，当时好多餐厅都已经收咗，所以决定食呢间台式餐厅就算。我哋一人叫咗啲嘢食，我叫咗个 $108 嘅「陈年花雕炖鸡汤面」，作为台湾名物，佢都算克尽己任，冇乜甩漏咁。好食就唔算，不过至少系热辣辣一碗面。两位朋友系夫妇，佢哋 share 食 $98 嘅「香辣藤椒炖鸡汤面」，都话可以。另外佢哋仲食咗个 $78 嘅「榄菜肉碎四季豆」，加 $30 转套餐，有埋白饭同饮品，都系正正常常嘅小菜。我哋另外仲叫咗个小食，系 $38 嘅「凉拌皮蛋」，味道都唔错。不过嘢食唔算叫得复杂之下，都有落错单嘅情况，要追。嘢饮方面，我饮 $38 嘅「黑糖珍珠奶茶」，佢哋饮 $36 嘅「金玡居奶茶」同 $38 嘅「粒粒红豆奶茶」，质素都系比较一般。总价钱我唔知，因为张单被朋友抢咗，哈哈。然而，就算有落错单情况，佢哋整体服务态度都好好。。。（地址：山顶山顶道118号山顶广场1楼118号舖）#1amfoodie #foodie #thatfoodiething #h