影片
更多
2024-08-23
692 浏览
【中西区】【鱼虾蟹】中上环九如坊一向美食林立，除咗啲名气好大嘅老店之外，附近亦都进驻咗一啲新餐厅。同膻卤狮嚟到呢头做嘢，本来谂住食啲老店，但膻卤狮都系一位好接受到新事物嘅上司，最后决定试间新啲嘅餐厅。因为呢间「鱼虾蟹」标榜自己系无味精，好吸引。一场嚟到我哋就试 $498 嘅「二人套餐」，小食拣咗「蒜泥青瓜拼云耳」同「酸甜开胃话梅车厘茄」，前者唔会得铺浓味，本身唔多好呢啲嘢食嘅我都一件接一件咁样系咁食，自己都估唔到。后者系「手工菜」，车厘茄系脱咗皮嘅，话梅味入晒，酸酸甜甜好正。主菜本身想叫乌头，但系点知老细话冇货，加 $50 试「盐焗黄立䲝」，非常好食。盐嘅咸香加上柠檬同埋香茅独特嘅味道，加喺鱼肉入面相当合适，即使唔点秘制酱汁都已经相当好食。而鱼嘅肉质系刚刚好，唔会滑到好潺而又唔会鞋，绝对系成餐嘅惊喜。锅物我哋加 $20 试「鲜浓虾汤泡菜锅」，将海虾、鱼片、墨鱼饼、猪颈肉、肥牛、金菇、杂菜混埋一个锅里面，有少少似高阶版嘅部队锅，但系佢个底系杂菜，索晒啲汁，好正。饭面方面我哋试「虾籽虾油捞面」同「香蒜葱油捞面」，两者都好邪恶，好好食。我上司膻卤狮喺度我就唔知啲嘢几多钱喇，因为之后散叫咗「清
一场嚟到我哋就试 $498 嘅「二人套餐」，小食拣咗「蒜泥青瓜拼云耳」同「酸甜开胃话梅车厘茄」，前者唔会得铺浓味，本身唔多好呢啲嘢食嘅我都一件接一件咁样系咁食，自己都估唔到。后者系「手工菜」，车厘茄系脱咗皮嘅，话梅味入晒，酸酸甜甜好正。
主菜本身想叫乌头，但系点知老细话冇货，加 $50 试「盐焗黄立䲝」，非常好食。盐嘅咸香加上柠檬同埋香茅独特嘅味道，加喺鱼肉入面相当合适，即使唔点秘制酱汁都已经相当好食。而鱼嘅肉质系刚刚好，唔会滑到好潺而又唔会鞋，绝对系成餐嘅惊喜。
锅物我哋加 $20 试「鲜浓虾汤泡菜锅」，将海虾、鱼片、墨鱼饼、猪颈肉、肥牛、金菇、杂菜混埋一个锅里面，有少少似高阶版嘅部队锅，但系佢个底系杂菜，索晒啲汁，好正。饭面方面我哋试「虾籽虾油捞面」同「香蒜葱油捞面」，两者都好邪恶，好好食。
我上司膻卤狮喺度我就唔知啲嘢几多钱喇，因为之后散叫咗「清蒸大海虾」嚟试，都系鲜味十足，正。嘢饮方面我哋试咗「罗汉果茶」，唔系劲浓𠮶只，不过冇咁大阵味就易入口好多，配埋新鲜而不加味精嘅美食，就系一个好好嘅辅助，令到餐饭非常完美。。。
（地址：中环歌赋街45号地舖）
张贴
