影片
更多
2017-08-13
497 浏览
Venus做开Facial间舖头搬咗去佐敦，早几个月同一班fd去佐敦食放题已经觉得附近好多食肆，吃货决定搜寻一下佐敦揾好嘢食！原来佐敦真系有好多食店！短短几条内街粗略估计都有几十间！当中以串烧店特别多，好耐无食串烧la！一于今晚试下先^^ 串串居果支Logo串烧好抢眼XDDD 拉面套餐外卖有9折都几抵 个厨师推介好吸引啊！有我最钟意食嘅烧蚝、茄子仲有近排BBQ成日食嘅牛排菇，即刻入去试食先 餐厅以木做主设计，配合砖墙感觉都几亲切，个人感觉似日台小店 串烧种类都几多，烧酱汁都有多款选择，啱哂一班各有钟情口味朋友慢慢拣la，仲有小食、汤乌冬或拉面 唔钟意饮啤酒都有生果汽酒饮 落order先，即剔门口厨师推介试下^^ 哗！原条蒜蓉烧茄子有我前臂咁长啊！斋睇视觉都一流 茄子配料一d都唔吝啬，蒜蓉舖满成条茄子面，加埋酱烧劲香！隔离枱见到都即刻拍板要碟，唔怪得知系店内必食之选 再嚟一碟蟹肉酱烧牛排菇，胀卜卜好得意 本身菇类已经好够味，厨师再用蘑菇混入牛排菇特出双重菇味，加上顶层蟹肉沙律酱汁一齐烧，口感juicy，多酱汁又唔觉腻 令一人气推介蒜辣鸡翼尖，酸酸辣辣好开胃，钟意啜骨嘅朋友仔必点 有一
原来佐敦真系有好多食店！短短几条内街粗略估计都有几十间！当中以串烧店特别多，好耐无食串烧la！一于今晚试下先^^
串串居果支Logo串烧好抢眼XDDD
拉面套餐外卖有9折都几抵
个厨师推介好吸引啊！有我最钟意食嘅烧蚝、茄子仲有近排BBQ成日食嘅牛排菇，即刻入去试食先
餐厅以木做主设计，配合砖墙感觉都几亲切，个人感觉似日台小店
串烧种类都几多，烧酱汁都有多款选择，啱哂一班各有钟情口味朋友慢慢拣la，仲有小食、汤乌冬或拉面
唔钟意饮啤酒都有生果汽酒饮
落order先，即剔门口厨师推介试下^^
哗！原条蒜蓉烧茄子有我前臂咁长啊！斋睇视觉都一流
茄子配料一d都唔吝啬，蒜蓉舖满成条茄子面，加埋酱烧劲香！隔离枱见到都即刻拍板要碟，唔怪得知系店内必食之选
再嚟一碟蟹肉酱烧牛排菇，胀卜卜好得意
本身菇类已经好够味，厨师再用蘑菇混入牛排菇特出双重菇味，加上顶层蟹肉沙律酱汁一齐烧，口感juicy，多酱汁又唔觉腻
令一人气推介蒜辣鸡翼尖，酸酸辣辣好开胃，钟意啜骨嘅朋友仔必点
有一碟足料好长嘅日式蒲烧鳗鱼
烧汁加埋紫菜食好惹味，鳗鱼啖啖肉正啊！
好大粒嘅东阳炸鸡，肉质鲜嫩，咁大旧都系鸡肉为主，唔系有一旧好厚炸粉
睇下东洋炸鸡大粒过我个嘴^^
虽然Venus唔食牛肉，但细佬系牛魔王，叫咗串盐烧厚切牛舌心同椒盐炸鸡皮比佢试下，佢话牛肉好厚好多汁，炸鸡皮冻咗食有d硬
最期待四式烧生蚝嚟la
四种口味都好好味，而当中我最钟意系芝士烧生蚝，原来用咗几款芝士烧，有多重口感，食落有层次，又香又浓
真系大大粒生蚝！无呃到秤^^
呢款好似小食嘅叫芝士酒盗鱼肠，估唔到带有少许辣味嘅鱼肠同芝士仲有饼干食入口系咁夹(鱼肠口感同韩国辣鱿鱼好相似)
食完饭紧系要食返个甜品la，女人有2个胃架嘛^^
100%鲜果真果肉雪条有两款口味：芒果&菠萝
原只芒果雪冻制成，无添加，真原味！
老板试紧新菜式～送咗碟由日本空运到港番薯，即炸制成炸番薯比我地试，老板话口感好似食紧烩番薯咁，Venus食落又真系以为食紧烩番薯woo^^ 原来将番薯炸就会变成烩番薯口感，又长知识了^^
串串居串烧专门店
地址：佐敦吴松街108号显发大厦地下1号舖
电话：3483 4831
~~~~~~~~~~~~~~~~~~~~~~~~~~~~~~
免责声明:
是次产品/产品资料由 品牌 提供, 本文章所发表的全部内容均属个人意见及感受，并不代表该品牌之言论及立场。如需协助或希望获得更多有关产品资讯, 请直接联络该品牌查询或∕和寻求相关专业意见。如从而引起任何损失或法律纠纷，本人概不负责。
希望大家钟意今次我嘅分享la~
张贴
