慵懶生物 (已結業)

揾到一个时间始终可以黎九龙城，呢间系我想食好耐，成日搭车经过，睇住佢装修同开业。铜铁中系因为附近有车行，有烧焊味。我好喜欢佢店内嘅字句，I am not lazy I am on power saving mode，适当地调较至待机模式，拉得太紧会断。小店小本经营，要好好支持一下。有啲佢地有份坚持，最好嘅材料，最好嘅配搭，有时钱都未必cover够。餐牌上嘅选择都算系有，有咖啡有茶类。见到有客人带宠物入内进食，市区内算系少有。叫咗个烟三文鱼羽衣甘蓝柠檬忌廉意粉，94元，味道都几好，汁好平均，份量就一般，料可以再多小小会更好。咖啡继续系肥威，淡淡啡香，配lotus饼，呢part我都几爱。