七喜粥麵小廚

营业中

休息中

【九龙城区】【七喜面食小馆】其实我都唔知呢间嘢叫咩名，不过我净系知土瓜湾呢个位有间七喜，咁就够喇。就算佢叫「七喜粥面小厨」又好，叫「七喜面食小馆」又好，对我嚟讲都系同一样嘢。而呢晚我做完嘢劲攰劲肚饿，好好胃口，怒叫咗四样嘢食，一条友食晒，饮埋嘢，正。首先系食 $60 嘅「红烧顶鸽」，估唔到又几有质素，脆卜卜得嚟肉质同肉味都唔错。跟住食 $55 嘅「酥炸鲮鱼球」，一早就知佢哋鲮鱼球几好，食落果然 okay。跟住食 $80 嘅「姜葱酱爆猪杂」，最贵反而最失望，整得唔算好好，有啲后悔叫咗呢碟。跟住用 $37 叫咗碗「鲜虾净云吞」，正常水准。再大嗱嗱喑咗 $9 出嚟饮罐「可乐」，成件事先叫圆满啲。不过就系咁样型一型，搅到我真金白银食咗 $241，店员见我揾散银，直头一蚊都唔收，$240 就叫我走。系呢啲小店先得，算系争返啲好感。。。（地址：土瓜湾江苏街2号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #g