影片
更多
2023-05-02
605 浏览
【九龙城区】【来泰巷ข้างซอย】大家见到个餐厅名就知我去咗食泰国嘢喇，不过假设嘅嘢唔好太多，间嘢系喺十八区行政划分里面系属于九龙城区，但其实佢系喺土瓜湾，屯马线土瓜湾站行出嚟冇耐就可以见到。唔好见到「九龙城」同个「泰」字，就标咗去九龙城。惊引起读者误会嘅指引性文字都系摆第一段好，起码想揾九龙城泰国嘢而仆咗入嚟嘅朋友都会知间嘢系喺土瓜湾。而呢排讲得多都觉得自己烦嘅，就系呢间其实都系之前谂住 explore 土瓜湾而食，但又未食到第二次嘅餐厅，写埋唔使心挂挂。睇开我写嘢嘅朋友都应该不止一次听我提起过自己并唔太热衷食越泰等东南亚菜，反而每一次嘅理由都系五花八门。今次系因为本身想食呢间隔离𠮶间茶餐厅，但系佢好似有啲拒人于外咁嘅感觉，作为小毒毒有啲怕呢啲气场，咁就入隔离呢间食。时间唔多嘅情况下叫咗个「来泰巷咖哩面（鸡）」，哗几香浓嘅泰式咖喱味，脆面几增加到口感嘅层次，件鸡系一只鸡髀，所有食材同个咖喱好夹，而且只鸡髀啖啖肉。$58 嘅价钱我个人就觉得都几抵食，冇谂过呢碗嘢咁令我满意，难得。随餐奉送一碗「例汤」，真系好例汤，大家谂住例汤两个字，阖埋眼谂吓，无错，就系𠮶个味喇。跟住我系用 $20 加
惊引起读者误会嘅指引性文字都系摆第一段好，起码想揾九龙城泰国嘢而仆咗入嚟嘅朋友都会知间嘢系喺土瓜湾。而呢排讲得多都觉得自己烦嘅，就系呢间其实都系之前谂住 explore 土瓜湾而食，但又未食到第二次嘅餐厅，写埋唔使心挂挂。
睇开我写嘢嘅朋友都应该不止一次听我提起过自己并唔太热衷食越泰等东南亚菜，反而每一次嘅理由都系五花八门。今次系因为本身想食呢间隔离𠮶间茶餐厅，但系佢好似有啲拒人于外咁嘅感觉，作为小毒毒有啲怕呢啲气场，咁就入隔离呢间食。
时间唔多嘅情况下叫咗个「来泰巷咖哩面（鸡）」，哗几香浓嘅泰式咖喱味，脆面几增加到口感嘅层次，件鸡系一只鸡髀，所有食材同个咖喱好夹，而且只鸡髀啖啖肉。$58 嘅价钱我个人就觉得都几抵食，冇谂过呢碗嘢咁令我满意，难得。
随餐奉送一碗「例汤」，真系好例汤，大家谂住例汤两个字，阖埋眼谂吓，无错，就系𠮶个味喇。跟住我系用 $20 加配咗「炸鱼饼（三件）」嘅，几惹味，不过不擅于食辣嘅我觉得都几辣吓。我记得虽然只系得三件，但系都食得几吃力。
餐饮方面，我加 $15 饮「粉红饮品」，唔系 bandung 有啲失望，只系一个有甜味嘅正常梳打饮品，可能系啲特别嘢但我真系唔识。另外我再用 $48 散叫咗个「芒果糯米饭」，话就话系限量供应嘅，食落唔觉得好标青，加上芒果唔合时，冇感觉。
咁样夹夹埋埋就食咗我 $141，初初觉得啲侍应有啲 cool 同埋有气场，后尾问佢攞个餐牌影吓相都几客气，挽回咗唔少分数。不过啲嘢其实唔差嘅，本身喺我唔太喜欢泰国嘢之下都揾到惊喜系我估佢唔到嘅，我到而家都仲几回味只鸡髀个味。。。
（地址：土瓜湾马头围道372号地下5号舖）
@thealleyrestaurant_hk
#1amfoodie #foodie #hongkong #hkfoodblogger #topcitybiteshk #hkeat #thatfoodiething #instagood #love #hkigfood #1ambackup #1am0492 #globaleats #foodieman #1am九龙城区 #土瓜湾 #来泰巷 #泰国嘢 #泰国菜 #来泰巷ข้างซอย #ข้างซอย #来泰巷咖哩面 #例汤 #炸鱼饼 #粉红饮品 #芒果糯米饭 #thaicuisine #thaifood #iknowthaihand #mypowerpowerful
23 浏览
0 赞好
0 留言
张贴
