厚福館 (黃埔天地) (已結業)

【九龙城区】【厚福馆】通顶做嘢，中午迷迷糊糊之间同个同事去咗黄埔，佢系咁喺度讲嘢，其实我都唔知有冇一半入到脑，攰到一个点，全靠意志力支撑住。佢同我讲呢间打边炉点好食点好食，我心谂，「把声劲温柔」，都系去一去现场试吓佢啦。我哋既然中午嚟，就一人叫一个「午市靓料靓汤一人火锅面餐」啦，我叫个「足料佛跳墙」，有「鲍鱼」一只、「花胶」两件、「螺片」三片、「素翅」一堆、「鸡髀肉」四件同埋垫底「生菜」两片，配「佛跳墙汤」。食落个汤底系几够鲜味，果然系对汤底有自信而衍生嘅一人套餐，啲𩠌都几好，不过其实如果净系讲个汤配上我跟餐拣嘅「上海阳春面」已经好好食，个汤里面依稀仲食到啲好似金华火腿之类嘅嘢，$78 嚟讲算几有交待喇。同事叫咗个「金山翅拌鸡」，有「鸡髀肉」八件、「野生竹笙」一条、「素翅」、「火腿片」、「生菜」两片，佢跟餐面食叫咗「吸汤米线」，佢话总体而言好似冇我𠮶个咁好食，我𠮶个会浓啲咁，佢𠮶份都系 $78。争啲唔记得讲嘢饮，不过跟餐𠮶啲嘢饮嘅选择都唔算特别，我哋都系拣「道地纤解茶」，系细胶樽装𠮶只嚟。另外我哋都叫咗啲火锅料打吓边炉，首先系 $98 双拼「手打鲜牛丸」同「手打墨粒丸」，都几普通吓，冇