寶時茶餐廳

营业中

休息中

【九龙城区】【宝时茶餐厅】我真系好唔想写呢间，因为我已经霎时咁爱上咗呢间餐厅，暂时都将佢视为一个「铁窦」。而呢啲地方我真系好怕会「捧红咗」，佢嘅卖点就系怀旧，就系𠮶种香港嘅老味道，太多人去践踏佢嘅话，随时保唔住现有嘅状况。食物就唔系话变化万千𠮶种，都系啲冰室茶记嘢，我第一次去叫咗个 $36 嘅「全日早餐B」，主食系「沙爹牛面」，都系一碗好普通嘅沙嗲牛肉面，冇乜特别。配菜「餐肉煎双蛋」都系啲普通嘢，明知佢系一个扒炉搅掂晒嘅。而「牛油方包」我就加 $1 烘底令佢变成「牛油多士」，好食咗。杯茶紧要，嘢饮点都饮「热奶茶」，细杯啲，但味道唔错，系一杯好嘅奶茶，呢餐埋单 $37 但我知道实有下次。睇定第二次实要食 $6 嘅「卷蛋」，睇吓点。结果佢都唔错，有机会会再叫。呢次我仲叫咗 $24 嘅「鲜油菠萝」配「冻奶水」，相当肥仔，夹埋 $30，正。见佢哋手写贴墙嘅餐牌仲有啲饭类可以拣，有机会点都要食「豆腐火腩饭」，如果系同女同事食，肯定非常浪漫。。。按：喺写好稿同出 post 之间嘅空档期，我已经忍唔住去咗食「是日快餐」嘅「豆腐火腩饭」配「冻奶茶」，的确系几正。同埋，咁样嘅配搭组合都系讲紧用我 $44